Tunkar Patianni(October 19,2014) hi NEICC Tawngtai Ni (NEICC Day of Prayer) a ni a. He Ni i North East India Christian Council zawmtu Kohhran hrang hrang ten an hmang ang. NEICC Headquarters Shillong atanga ruahman angin Kohhran pawl hrang hrangah rawng inbawltawn a ni dawn a ni. Kumin NEICC Day of Prayer thupui chu ‘Thupek thar ka pek che u hi, inhmangaih ula’ (Johana 13:14) a ni ang.
NEICC Day of Prayer hman tan dan leh a chhan:NEICC Day of Prayer hi, kum 1975-a NEICC Inkhâwmpui, All Saints’ Cathedral, Shillong-a Church of North India-in an dâwl kumin passed a ni. Kum tin November Pathianni vawi 3-na hi hman thin ni se ti-a rêl thlûk a ni. Inpumkhatna leh India hmar Chhak Kohhrante intawngtaisak tawnna ni atân ruat a ni. Hemi ni-a thawhlâwm pawh NEICC puala pêk zêl ni rawh se, tih pawh lungrual taka tihthlûk a ni bawk. Hun a lo kal deuh va, Kohhran-hote hman remchan rual tâwk lohna avângin, 1994 NEICC Inkhâwmpui, Chandmary Pres-byterian Kohhran, Aizawl-in an dâwl kumin, tûna kan hman lai, October Pathianni vawi 3-naah hian sawn a ni ta a ni.
NEICC hnuaiah hian member 51 zet kan awmkhâwm a. India hmârchhaka Kohhran tamfê zâwk hi kan awmkhâwm tihna a nih chu. NEICC thil tum ber chu, kohhran hrang hrangte inhriat-thiam tawnna neih te, thil tihho te, thawhho te, in zahtawn te, tanrual te, inpumkhatna siamte a ni. Hei hi thil tûl tak, Pathian zia leh a lâwm zâwng, khawtlâng, hnam leh chi leh kuang inremna bul pawh a ni. Kohhran hrang kan nih avânga chhiatni thatni-a kan in en hran dân te, chhûngkaw inlai-chînna a tih dal theih dân te, sawrkâr hna leh therhlo thlenga kan induhsakna kawng a nghawng dânte hi bih chian a tul thin. Heng kan duhsam zawng zawng min thlen thei tu chu, hmangaihna Pathian atanga chhuak a ni.
Ruahman ang chuan Mizoram Baptist Kohhran hruaitu leh Pastor-te hemi huna hun hmang turte leh an hmanna tur chu hetiang hi a ni:-| Rev. H. Lianngaia | : | Presbyterian Church, Venglai, Lunglei |
| Rev. Dr. K. Lalrinthanga | : | Salvation Army, Citadel Corps, Lunglei |
| Rev. C. Lalbiaksanga | : | Presbyterian Church, Chanmari, Lunglei |
| Rev. Dr. V. Laldingliana | : | Bethlehem Presbyterian Church |
| Rev. F. Ramdinmawia | : | LIKBK Biak in, Lawngtlai |
| Rev. Dr. C.L. Hminga | : | BCM Kikawn, Bazar |
| Rev. Dr. R. Zolawma | : | Bungkawn Presbyterian Church, Aizawl |
| Rev. Dr. Vanlalchhawna Khiangte | : | Presbyterian Church, Zotlang, Aizawl |
| Rev. C. Vanlaldika | : | Venghlui Presbyterian Church |
| Dr. Chawngthanpari | : | BCM Edenthar, Lunglei |
| Upa Lalzirmawia Chhangte | : | The Salvation Army, Chaltlang Corps |
| Rev. T.C. Laltlawmlova | : | The Salvation Army, Dawrpui Vengthar Corps |
| Rev. C. Lalzarliana | : | The Salvation Army, Bethlehem Enna Corps |
| Rev. L. Lalsawmliana | : | The Salvation Army, Lawngtlai Corps |
| Rev. Lalhmunsanga | : | LIKBK Biak in Lawngtlai |
| Rev. C. Lalhungliana | : | Presbyterian Church, Kawnpui |
| Rev. Samuel Lalremsanga | : | BCM Moria, Rahsiveng |
| Pu T. Lalhlimpuia | : | BCM Pukpui |
