Tunkar Pathianni, January 20, 2019 hi Mizoram Baptist Kohhran Nipawimawh – NCCI Pathianni a ni a, Pathianni chawhma Inkhawm-ah hemi pual hian “An zaa pumkhat an nihna turin” tih thupui hmangin Kohhran tinah hun hman a ni ang.
Kum 2007 BCM Assemly chuan NCCI hi a lo zawm ve ta a. Kan zawm hnu hian Committee member-ah BCM hi kan nih ve thin avângin min rawn ngenna angin kumin 2016 Assembly chuan BCM Ni pawimawh (Special Sunday)-ah neih a lo ti tlu ve ta a ni.
The National Council of Churches in India hi kum 1914-ah Natioanal Missionary Council 
of India tia dinin, International Missionary Council-ah a in affiliate a ni. NCCI hian Nagpur-ah Headquters neiin Kohhran 30 zet insuihkhâwmna leh Christian Organisations 17 lai telna Council a ni. A thil tum lian berah chuan India ram Kohhran hrang hrangte inpumkhatna tha zâwk siam te leh retheihna ûm bo tûra hmalâk te, India rama Sakhaw zalenna vawnhi zel a nih theih nana hma lak leh Hnamhnuaihnung zawkte humhalh te a ni a, Kristiante tawrhna leh nekchepna kan tawrh mek te a lo hluar zel loh nana hma lak te a ni.
