NCCI Day[/caption]
Tunkar Pathianni, January 19, 2020 hi Mizoram Baptist Kohhran Nipawimawh – National Council of Churches in India (NCCI) Pathianni a ni a, Pathianni chawhma Inkhawm-ah hemi pual hian Kohhran tinah hun hman a ni ang a, Kumina NCCI Day thupui “A chhe lai siam thatu (Isaia 58:12)” tih thu hmangin Pathian thuchah ngaihthlak a ni ang.
Headquarters atanga NCCI hrauitute leh India ram tana tawngtai thupui siamsa hmangin tawngtairualna neih a ni bawk ang. NCCI Day hmanpoui tur hian BCM Headquarters hruaitut thenkhat chu an chhuak dawn a. AGS i/c Service –Rev. R. Lalbiakliana chuan Pathianni zing inkhawmah BCM Theiriat-ah hun a hamng ang a, rev. R. Lalremsiama, Worship & Music Dept.Director pawhin BCM Zionah hun a hmang bawk ang.
India rama Kristian Pawl inzawmkhawm lian ber National Council of Churches in India (NCCI)-ah hian BCM chu kum 2007 atang khan kan tel ve a. Pathian ram rawngbawlnaa hmalakna chi hrang hrang leh tha tak tak kalpui mektu NCCI-ah hian Kohhran pawl hrang 30, Kohhran inzawmkhawm Pawl 18 leh ram pum huap Christian Society 17 zet-te kan thawk ho a ni.
NCCI din chhan leh thiltum bulpui ber chu - India rama kohhran hrang hrangte inpumkhatna tha zawk siam leh sakhaw zalenna vawn him a nih zel theihna tura hma lak te, kristiante tawrhna leh nekchepna a hluar zel lohna tura hmalakte, retheihna em bo tur leh hnam hnuaihnung zawkte humhalhte hi a thil tum leh hma lakna lian ber berte an ni.
NCCI hruaituten BCM Member te an beisei angin BCM pawhin NCCI member a nih kum(2017) atang khan kum tin January Pathianni vawi 3-naah NCCI Day a hmang thin a ni.
