November 15, 2020, Pathianni hi Mizoram Baptist Kohhran Nipawimawh “Naupangte Ni” a ni a. Kumina Naupangte Ni thupui chu “Pathian min pek Naupangte” (Hebrai 2:13) tih a ni ang.
Ni hi kum tin November Pathianni vawi thumna-ah urhsun takin hman thin a ni a, Pathianni zing Inkhawm-ah thupui thlan sa hmangin Sermon leh Naupangte pawimawhna leh kaihhruaina lam zirtirna te ngaihthlak a ni thin. Kohhran tam takah hemi Ni hi naupangte puala hmangin Naupang ten Special Item tha tak tak an nei thin a ni.
Kuminah erawh chuan Covid-19 hrileng avangin Kohhran Inkhawm Programme pawh neih theih a la ni lo va. Chuvangin Naupangte Ni pawimawh tak pawh hi kum danga kan hman angin kan hmang thei dawn lo a ni. Hetiang a nih avang hian, BCM Communications Department –in hemi ni pual hian Naupangte programme a buatsaih a, TV leh Youtube ah pek chhuah a ni dawn a. BCM Youtube Channel leh Khawnvar Channel LPS leh Zonet –ah te a chhuah hun pangngaiah tih chhuah a ni ang.
