Baptist Church of Mizoram

November Pathianni vawithumna hi Mizoram Baptist Kohhran Ni pawimawh “Naupangte Ni” a nih angin, Tunkar Pathianni, November 20 hi Tualchhung Kohhran tinah Naupangte Ni atan hman a ni dawn a. Kuminah hian Naupangte Ni thupui siam a ni lo va, Tualchhung Kohhran tinah Naupangte Ni pual thuchah BCM Ni pawimawh Programme-a dah chu chhiar chhuah a ni ang.

Naupangte Ni hi Assembly in a rel angin 2015 atang khan kum tin November Pathianni vawi thumna-ah urhsun takin hman thin a ni a, Pathianni zing Inkhawm-ah Naupangte pawimawhna leh kaihhruaina lam zirtirna te ngaihthlak a ni thin a. Kohhran pum huapa naupangte pawimawhna inzirtirna hun a tana hman thin a ni, Kohhran tam takah hemi Ni hi naupangte puala hmangin, Naupang ten Special Item tha tak tak an nei thin a ni.

Kum dang ang bawkin Communications Department hmalakna in Kumin Naupangte Ni Pual hian TV Programme buatsaih a ni a. TV bakah Youtube Channel - "Khawnvar"-ah dah chhuah a ni bawk ang.
..............................

NAUPANGTE NI

(20 November, Pathianni)

Kohhran hnuaiah inkaihhruaina fel tak neiin BCM chuan Kristian Naupang Pawl (KNP) a enkawl a. An puala inkhawm leh thuzirte siam sakin, Thlarau lama an puitlin chhoh zelna tur programme chi hrang hrang a ruahman sak thin a ni. Vawiina BCM Ni Pawimawh pakhat ‘Naupangte Ni’ kan hman hi KNP puala kan hun hmante nen ngaih pawlh tur a ni love. Biblein Naupangte dinhmun, ngaihsak leh tha taka enkawl an tulna leh pawimawhna min hrilh fova. Mithiamte leh khawvela mifing tak takte pawhin naupang enkawl that hi an ngai pawimawhin, nakin lawka kan ram leh hnam kaihruaitu turte an nih avanga zirtirna tha pek a tul zia hi an hrechiang em em a ni.

India ramah hian kan Sorkar chuan November 14 hi Naupangte Ni (Children’s Day) ah a puang a. He ni hi India ram Prime Minister hmasaber Pandit Jawaharlal Nehru, naupangte ngaihsak em em thintu pian ni a ni. Khawvel huap pawhin Naupangte pual ni pawimawh tak tak, International Children’s Day, World Childen’s Day leh Universal Children’s Day tihte a awm a. Heng niahte hian, Naupangte pawimawhna, zirtir leh enkawl an tulnate, an tih ve tur leh an mawhphurhnate nasa takin an tarlang chuai chuai thin.

Mizoram Baptist Kohhran pawhin kohhran pum huapa naupangte ngaihpawimawhna lantirin, kohhran mipuite inzirtirna hun atan ‘Naupangte Ni’ hman ve tha a ti a. Kum 2016 atang khan November Pathianni vawi thumna chu kum tina hman a lo ni ta a ni. He ni hi KNP pual ni pakhat anga hman tur ni lovin, tisa leh thlaraua naupangte zirtir leh enkawl that pawimawhna inzirtirna ni atana hman tur a ni tih kohhran ten hria ila. Inkhawmna leh function kan siamah erawh chuan a tam thei ang ber chanvo kan siam sak thiam a tha hle ang.

Naupangte Ni hman a ni dawn.

𝐓̣𝐊𝐏 𝐏𝐥𝐚𝐭𝐢𝐧𝐮𝐦 𝐉𝐮𝐛𝐢𝐥𝐞𝐞 𝐩𝐚𝐮𝐥𝐚 𝐆𝐫𝐨𝐮𝐩 𝐳𝐚𝐢 𝐢𝐧𝐭𝐢𝐡 𝐬𝐢𝐚𝐤 𝐜𝐡𝐮 𝐭𝐥𝐮𝐚𝐧𝐠 𝐭𝐚𝐤𝐚 𝐳𝐚𝐰𝐡 𝐟𝐞𝐥 𝐚 𝐧𝐢

Welcome

Downloads

Materials