[caption id="attachment_5996" align="aligncenter" width="574"] Pic: BYFI & MTKP Hruaitute[/caption]

September 13 (Inrinni) khan BYFI Puipate (O.B) Meeting, BCM Committee Hall, Serkawn-ah neiin hma lak zel dan tur te an sawi ho va. Kum 2015 Baptist Youth Fellowship of India (BYFI) Conference chu April 23-26-ah Serkawn-ah nghah ni se, thupui atan ‘Tho la, êng rawh (‘Rise and Shine’) Isaiah 60:1 hman ni se. Inkhawmpui hming-ah “National Baptist Youth Conference 2015” tih hman ni se. he Conference Speaker atan heng mite hi dawr ni se tih a ni bawk:

(1) Rev Bony Resu - General Secretary, Asia-Pacific Baptist Federation (APBF) (2) Rev Vesekhoyi Tetseo - President, Asia-Pacific Baptist Youth FellowshiP(APBF) (3) Rev Rob Ely - USA (4) Elder Dr KL.Biakchungnunga - BCM, Mizoram (5) Rev Dr V.Laldingliana - Executive Secretary, BCM Aizawl (6) Rev Chen Rengma - Former President, Baptist Youth Fellowship of India(BYFI)   Nakum, 2015-a BYFI Inkhawmpui chungchang avanga lo kal te hi 5 niin BYFI hruaitu pawimawh tak tak an ni a. September 12 khan BCM Headquarters, Serkawn rawn thlengin Mizoram Thalai Kristian pawl(MTKP) hruaitu ten an lo dawngsawng a ni.  India ram pum huapa Baptist Thalai inkhawmpui lian nakum 2015-a Mizoram (Serkawn) ah neih tur chungchang ah, Meeting nei tur leh, a hmun ngei a thil rawn enfiah tur te, MTKP hruaitute nena inhmelhriatna leh thil pawimawh te en ho tura lo kal an ni. Tun tuma BYFI hruaitu lo kal te hi OB vek an ni in hengte hi an ni:- 1)      Pastor S.Henry (Vice President), 2)      Mr Samuel Jaya Kumar (Secretary), 3)      Ms Thingring Sangma (Treasurer), 4)      Rev Samaresh Nayak (Adviser), 5)      Dr Wilson Vinaya Kumar (Adviser) te an ni a. Rev.Samuel Lalremsanga, MTKP Organiser hi BYFI-ah President a ni mek a. Pu Victor Lalrinawma Sailo (MTKP Vice President) chu BYFI Executive Committee member a ni bawk.