Vawiin, March 26, 2021 (Zirtawpni) khan Higher and Technical Institute of Mizoram (HATIM)-a  subject pali – Social Works, English, Philosophy leh History subject te Provisional Affiliation chungchang ah Mizoram University atangin Inspection nei tur mi pali ten HATIM, Lunglei a hmunah kalin an enfiah.

MZU Academic Council chuan Provisional Affiliation hi a thuphungin a lo pe tawh a, a hmuna enfiah tur hian nikum lam atanga ruahman tawh ni mahse, hripui leng avangin tihhlawhtlin hleih theih a ni lo va, vawiin hian inspection hi neih a ni ta chauh a ni.

MZU aiawha a lo kal,Inspection Team te hi Prof. Lalngurliana, Convener hovin Prof. KC Lalthlamuani te, Prof. Lalbiakdiki Hnamte leh Higher & Technical Education, Gov’t of Mizoram aiawhin H&T Director kalchhuak ta Pu Lallianzuala te an lo kal a ni.

MZU Inspection Team te hi HATIM Principal Pu V. Vuansanga leh Faculty te bakah BCM Education Director Rev. L. Vanlalsanga ten an lo dawngsawng a ni.

HATIM hian MZU hnuaiah permanent Affiliation an nei tawh a, Subject pahnih – B.Com leh BCA te pawh permanent Affiliation pek fel tawh an nih bakah Psychology leh Education subject te pawh kum thum chhung atan Provisional Affiliation hi pek an lo ni tawh bawk.