Mizoram Thalai KJristian Pawl (MTKP) Orgnaiser, Rev. Lianchhunga Khiangte-in TKP Bial leh Unit hrang hrang te hnena hriattirna a siam danin Kumin TKP Ramthim Ni leh TKP Day thawhlâwm chu rawngbâwlna kawng hrang hrangah tangkai takin hman a nih tur thu a sawi a, hetiang hian thawhlawm hmanna tur ruahman a ni a ti:-
- TKP Ramthim Ni thawhlâwm atangin BCM West Bengal Mission Field-a Baptist Church of Sikkim (BCS) Tinkitam Biak In sak tanpui nân Rs.3,00,000/- pêk a ni ang a;
- TKP Day 2016 thawhlâwm tling khâwm atangin Christian Hospital Lawngtlai Cabin sak nân Rs.1,00,000/- leh BCM Hunthar Biak In, Aizâwl sak tanpui nân Rs.2,00,000/-pêk a ni ang a ti.
Tin, MTKP Rorêlna 2018 thlen dîl Pastor Bial leh Unit hrang hrang atangin Executive Committee chuan ngun taka ngaihtuahin MTKP Rorêlna 2018 thleng tûrin TKP Hnahthial SouthPastor Bial chu thlang bawk.
MTKP Organiser hriattirna-in a tarlan danin, MTKP atanga Kohhran Dân Puitlinga inneite lawmpuina thuziak kan pêk thin chungchângah ngaihhaih theih thil awma a lan avângin Bial hrang hranga kan pêk chin pawh a inang lo tih hriat a ni a. MTKP Executive Committee-ah ngun taka sawiho a nih hnuah kal dân phung ang khata kan kal theih nân "Mizoram TKP Inneih Lawmpuina Certificate hi BCM Constitution & Rules Part-III Bung 18 (114), "KOHHRAN DAN PUITLINGA INNEIHNA"-in a sawi anga inneite chauh pêk tûr a ni. " tiin a tarlang bawk.
Read Detailed information click this link
https://www.mizobaptist.org/advertisements/
