Rampum huapin a ruala chawnghei tawngtai, Human Trafficking chungchang leh ruihhlo that loh zia inzirtir an rel.

Mizoram Thalai Kristian Pawl (MTKP) Inkhawmpui tluang taka neih mek zel a ni a. Nizan lamah Inkhawmpui hawnna Inkhawm-in bul tan a ni a, vawiin-ah Rorel Palai bik ten Lawngtali bazar Biak Inah ro an rel a. Rorel Palai  zat hi 511 an ni. MTKP President, Rev.R.Lalbiakliana'n rorel inkhawm a kaihruai a, MTKP Organiser, Rev. Samuel Lalremsanga'n TKP rawngbawlna report a pe bawk. 

MTKP Organiser report-in a tarlan danin - Pastor Bial 80 -ah Unit 402 awmin member - Hmeichhia 15474 leh Mipa 26147 ,  Member zawng zawng hi 41621 an ni. Bazar Bial-ah member tam berin 1800 an awm a, Parva Bial-ah member tlem berin an vaiin member 89, an awm thung. Kumin (2015-2016) chhungin member 102 (mipa 92 leh hmeichhia 10) -in ropuina ramah min hawnsan a, nupui/pasal nei tuak 590 awmin chung zinga tuak 319 (54.06 %)chu Dan puitlinga innei an ni a,  tuak 271 (45.93 %)chu Dan te-a innei an ni thung. Bial 80 zingah bial 77 (96.25 %) in Missionary an (chawm)support a. Unit 402 atangin unit 231 (57.46 %) in Missionary support an nei bawk.

Kumin Rorel hi Inthlan kum a ni a, Chairman kaihhruai angin heng te hi kum 2016-2019 atana MTKP Hruaitu thar atan thlan an ni:-

Vice President : Rbt H. Thangliana, Kikawn, Lunglei Asst.Secretary : V.Rokhawlkima, Zion, Lunglei Treasurer : Nl. Malsawmtluangi, Lunglawn Finance Secretary : Nl. Zothantluangi, Zotlang, Lunglei Sr.Adviser 1:  Upa Biakthansanga Khiangte, Zotlang

BCM Constitution-in a sawi angin MTKP President leh Senior Adviser pakhat zawk hi Fellowship Organisations Department Committee(FOD) in a ruat sa an ni a, MTKP Organiser hi Pastoral Coomittee-in a lo ruat sa te an ni, hetiangin:-

President : Rev JC.Vanlalluaia Organiser : Rev. Lianchhunga Khiangte Sr.Adviser 2: Upa Liankhama, Kikawn   ROREL THU PASSED LANGSAR TE:

1. MTKP-in rampum huapin a ruala chawnghei tawngtai neih.
2. Christian Hospital, Serkawn puala Unit tin feh chhuah
3. Human Trafficking chungchang in zirtir
4. Ruihhlo that loh zia inzirtirna neih
5. MTKP Inneih lawmpuina Certificate-ah Baptist Church of Mizoram tih ziak tel.
6. 2016-2017 MTKP Budget Rs. 950,000/- a ni.

Kum 2017 MTKP Rorel chu Zotlang North Biak Inah nghah a ni a, 2019 MTKP Inkhawmpui chu Tlabung Pastor Bial-in an dawl ang. Download : MTKP Organiser report