Mizoram Thalai Kristian Pawl (MTKP) Rorel vawi 60-na chu Vawiin, February 6, 2013 hian Mizoram Baptist Kohhran Biak In, Ramhlun 'S', Aizawl-ah neihmek a ni a. Chanchin ziak lai hian Rorel palai 404 an ni. Kumin hi Rampum huap anga Inkhawmpui awm loh kum a nih avangin Rorel palai tura ruat unit aiawh pakhat theuh leh Bial aiawh pahnih theuh bakah MTKP Executive Committee members leh MTKP OB te chu Rorelna-ah hian an tel ang. MTKP Statistic-in a tarlan danin tunah hian TKP te hi Bial 75-ah Unit 389 an awm a, TKP member mipa 24441 leh hmeichhia 14563 niin, member zawng zawng 39,004 an ni.
Tunah hian Rorel Inkahwm neih mek a ni a, Thurel kan hre hman rih lo a ni.
Organiser report:
Thalai Kristian Pawla ka rawngbawlpui zawng zawng te kan Lalpa Isua Krista hmingin chibai ka buk a che u. MTKP Reports 2013-2014 pe theia ka awm avangin Pathian leh kan hotute chungah pawh lawmthu ka sawi a. Ka rawngbawlpuite leh TKP member te min tanpuina leh finchhuahna avang pawhin lawmthu ka sawi bawk a ni. Kumin chhunga MTKP rawngbawlna report tlangpui chu hetiang hi a ni :-
1. MTKP Statistics:
Kumina (2014) kan inchhiarnain a tarlan danin tunah hian TKP te hi Bial 75-ah Unit 389 neiin, TKP member hi mipa 24441, hmeichhia 14563 niin, TKP member zawng zawng hi 39,004 kan ni. Bial thar 2 (Leite & Saiha West) kan nei a, unit punna hi 7 a ni a, member punna hi 830 a ni. Member zingah hmeichhia 374 in an pung a, mipa 456 in an pung a ni. Hauruang bialah member kan kiam nasa bera, nikumah member 187 an awm laiin kuminah chuan member 98 chauh an awm ta. Member tlemna bial te chu 1) Parva (81), 2) Phuldungsei (85) leh Hauruang (98) te an ni. Member tamna bialte chu 1) Bazar (1602), 2) Serkawn (1367), 3) Electric (1359) te an ni. Member mipa aia hmeichhe tam zawkna bial pakhat kan nei a ZPMBK (Shillong) bial a ni.
Kumin, 2013-2014 chhungin TKP member hmeichhia 19 leh mipa 119, a zavaiin mi 138 ten ropuina ramah min chawlhsan a. TKP member danpuitlinga innei tuak 347 (53.46 %) leh dante-a innei tuak 302 (46.53%) kan nei. TKP Unit 389 zingah unit 325 ten TKP Ramthim Ni an hmang thei a, unit 335 ten TKP Day an hmang thei bawk. TKP Day leh Ramthim Ni hmang remchang lo unit 50 chuang zel kan awm niin a lang.
TKP Unit 389 atangin 2016 inkhawmpui puala fehchhuah nei unit 285 an awm a, HATIM puala fehchhuak thei unit 289 an ni a, Christian Hospital tana Diathermy leina atana fehchhuak thei unit 285 an ni. Fehchhuah hi unit 100 vel zelin kan puitlin zo lo a ni.
2. Thalai Entu:
|halai Entu hi tunah hian copies 11270 chuang hlek kan sem chhuak mek a. Tun hnai kum li chhung hian kum tin copies sangkhat chuang hleka pung zel ang a ni a, tunah hian Thalai Entu copy pakhat hi TKP member 3.4 zelin intawm ang kan ni. Sum lamah pawh Thalai Entu hi a intodelh chho ve zel a, tunah hian a chhutna lamah ba kan nei lova, balance kan nei ve hlek thei a ni. 2013-2016 atan Editorial Board thar kan nei a, Editor Pu Laltholeha Chhakchhuak, Joint Editor – Pu P.Lalruatpuia leh Tv. V.Rokhawlkima te an ni.
3. Mission hma lakna:
TKP bial 68, Unit 209 ten mission support kan kalpui mek a, Kumin chhungin Mission Relief atan Rs 101,300.00 sem chhuah tawh a ni. BCM min beisei angin MTKP budget atangin Mission Support Rs 135000.00 kan pe tawh bawk. Chakma Mission nena tang tlangin Jan 24-26 chhung khan Chawngte-ah Music Festival hlawhtling tak buatsaih a ni.
4. MTKP Programme leh Zin Chhuahnate:
1) April 17-18, 2013 khan Regional Workshop on Voluntary Blood Donation, Aijal Club-a neihah MTKP aiawhin Pu Lalmuanawma Sailo a kal.
2) April 24-26, 2013 khan NEICC Workshop on Human Trafficking, Shillong-a neihah Tv. Jacob Zosiampuia tirh a ni.
3) May 8-9, 2013 khan NEICC Seminar LIKBK Peniel, Lawngtlaia neiha Rev Samuel Lalremsanga leh Pu T.Lalhlimpuia te an kal.
4) July 4-6, 2013 chhunga NCCI Commission on Youth buatsaih Leadertship Training Panchgani, Maharashtra-a neihah Pu T.Lalhlimpuia leh Pu Elvis Lalthangzuala te an kal.
5) July 17-21, 2013 hmangin MTKP Vice President, Pu Victor Lalrinawma leh Organiser, Rev Samuel Lalremsanga leh Executive Committee member Nl Zothantluangi Khiangte te chu 16th Baptist Youth World Conference, Singapore-ah an zin.
6) July 27, 2013 khan MSACS te nena tang tlangin Chanmari, Lungleiah Blood Donors Motivation Campaign neih a ni a.
7) August 3, 2013 khan Electric Veng, Lungleiah Intodelh Seminar neih a ni.
8) Sept 12, 2013 khan Aijal Club-ah UNODC leh World Vision India te buatsaih HIV/AIDS trainingah Rev Samuel Lalremsanga leh Pu R.Lalengliana te an kal.
9) Jan 17-19, 2014 khan Bru Baptist Church Thalai pawl (Central Kristian Juaing Dol) inkhawmpui vawi hnihna Ngengpuikai-a neihah MTKP aiawhin Organiser leh Hnahthial North Bial zaipawlte an kal.
10) Jan 24-26, 2014 khan Chakma Mission Music Festival-ah MTKP atangin Organiser bakah Pu R.Lalengliana leh Tv V.Rokhawlkima te bakah Moria Kohhran zaipawlte leh soloist te an kal.
11) Jan 28- Feb 2, 2014 khan NCCI Commission on Youth buatsaih National Ecumenical Youth Assembly-ah MTKP atangin Pu Ch.Lalremsiama, Tv.Lalramdinliana Sailo, Tv Lalthansanga Hnamte leh bial leh unit atanga kal mi 4 te Durgapur (W.Bengal)-ah an kal.
Heng bakah hian Bial leh Unit ten min sawmna chhangin kumin chhungin MTKP hruaituten Lunglei khaw pawn bial sawm leh panga (Vaisam, Pangzawl, Thingfal, Phuldungsei, Khawzawl, Lawngtlai S, Tawipui, Zawlpui, Vairengte, Lungsen, Serchhip, Kawrthah, Phawngpui ‘W’, Saiha, JSTKP) leh unit paruk (Zote S, Cheural, S.Hlimen, Chanmari (Lti), Serte leh Ramhlun S)-ah TKP programme-in hun kan hmang tawh a, Lunglei khaw chhunga bial leh unit-ah te prog kan nei zeuh zeuh hlawm bawk. Tin, TKP pawn lamah pawh camping, crusade etc prog kan hmang zeuh zeuh bawk a. Tv Lalhriatpuia Chawngthu pawh Jan 24-26 & Jan 31-Feb 2 chhungin Himachal Pradesh-ah (Shimla & Sabatu) missionary te retreat neihpuiin a kal bawk.
Tlangkawmna: Kumin chhunga TKP te rawngbawlna hrang hrangah Pathian khawngiahna leh malsawmna kan dawn avangin Pathian hnenah lawmthu kan sawi a. Kohhrana kan hotute duhsakna leh tanpuina kan dawn avang pawhin lawmthu kan sawi bawk a ni. Unit leh biala TKP member leh hruaitu mawhphurhna chelhtu zawng zawng te thahnemngaihna leh thawhrimna avang pawhin lawmthu ka sawi bawk a. TKP te hian Pathian ropuina tur leh a ram zauna tura hma kan sawn zel theihna atana intanpui tawn a, infinchuah tawn zel turin member tinte ka sawm bawk a ni. Ka lawm e.
