[caption id="attachment_3378" align="alignnone" width="605"] Pic: Mka Colney: MIZORAM TKP[/caption]  

Mizoram Thalai Kristian Pawl (MTKP) Inkhawmpui vawi 45-na March 21-24, 2013 a Haulawnga neih tur chu Naktuk March 21-24, 2013 atangin tan a ni dawn ta a. Vawiin atangin Mizoram hmun hla deuh leh Ram pawn atang te-in palai ture pawhin Haulawng an pan tan ta.  Inkhawmpui kal tur in ziak lut mi 7000 zet an awm tawh a ni. (Kuminah hian Inkhawmpui kal tur te chu January thla thleng khan Pre-Registration tihna hun hawn a ni) Inbuatsaihna hrang hrang te an zo fel tawh a, vawiin lam leh naktuk lamah chuan Mimkhual buaipui leh in enfel nan hun an hmang tawh ang.

Kumin Inkhawmpuina hmun tur Pandal hi a hmingah 'PUM' tih an vuah a. Hei hi kan mizo society-a thil pawimawh tak mai, khaw tinin an neih eizawnna hmanrua, hriam hrei chherna leh tuai tharna In hming pu-a vuah a ni a. He Inkhawmpui-ah hian Thalai te chu Pathian rawngbawl tur leh Krista leh Kohhran tana hriam leh hmantlak zawka an chhuah theih nan  he "PUM'-ah hian inchhem vam tur leh in chher hriam tura kal theuh turin a dawltu Haulawng Bial TKP te chuan an beisei avangin he hming hi an phuah niin a rinawm.

 

[caption id="attachment_3380" align="alignnone" width="366"] Pic: RF Matt Flynn: MIZORAM TKP[/caption]

[caption id="attachment_3381" align="alignnone" width="208"] Pic: Vanlalruata Sailo > MTKP 2013 HAULAWNG[/caption]

Kumin Inkhawmpui thupui atan "Lalpa Hmantlak" (II Timothea 2:21 ) hman a ni ang a. Speaker hran nei lovin mi hrang hrangin an sawi dawn a ni. Inkhawmpui tan zan, March 21(Ningani) zanah Palai lawmna leh Inkhawmpui hawnna neih a ni ang a, a tuk March 22 (Zirtawpni) ah MTKP Rorel neih a ni ang a, Rorel Palai ni ve lo te tan Pandal-ah Variety Programme/Fellowship a awm ang. A tuk Inrinni chawhma-ah Seminar neih a ni anga, Seminar hi  Topic hrang hrang pangaah then a ni a,  Mahni duhna ber-ah kal theih a ni ang. Zan tinin Pathian Biak Inkhawm neih a ni ang a, Pathianni Chawhma Vantlang Inkhawm awmin, Chawhnu lamah Lalpa zanriah(Sacrament) buatsaih a ni ang. Zan lamah Inkhawm a awm leh ang. Inkhawm apiangin Zaipawl 8-10 vel an awm deuh zel a, heng bakah hian Solo 2/3  dah zel a ni bawk.

Mizoram   Thalai   Kristian   Pawl :  Rorel Vawi 59-na

A Hmun    : BCM Biak in, Lamthuamthum, Haulawng A Hun       : 22^nd March, 2013; 10:00 Am – 3:30 Pm

Agenda

Executive Committee Thu te :

1. Mizorama Kohhran thalaite zingah thawhhona leh inunauna tha a awm theih nan hmalak nise.

2. MTKP Inkhawmpui tanpui nan Unit tinin fehchhuah neih nise. Thuleh awm hma chuan hei hi kalpui zel nise.

3. Environment humhalh kawngah MTKP in hmalak chhunzawm nise, kan ram leilung humhalhna kawngah hmalak uar nise.

4. Counseling Training Bial leh Unit-ah a tam thei anga neih nise.

5. BYFI Inkhawmpui 2015 pualin unit tinin kum 2013 chhungin vawi khat theuh fehchhuah nise.

Bial atanga thu lutte :

1. MTKP in SMS hmangin rawngbawlna neih ve ni rawh se. (Lungrang Bial)

2. MTKP inkhawmpui Pre-Registration neih hi neih tawh loh ni rawh se. (Serchhip Bial)

3. BCM in Nauhlan, Baptisma leh Inneih Certificate a pek thin hi a phek lehlamah chauh Mizotawng/English-a ziak tawh turin a Concern Department (Administrative) ah MTKP hian thlen nise. (Lungsen Bial)

4. Inkaihhruaina siam that thu : Thalai Kristian Pawl Inkaihhruaina Dan phek 3-na Bung 3, No-5. TKP Member nih dan-a inziak kum bithliah “Mizoram Baptist Kohhran Thalai kum 14 atanga kum 40 chin” tih hi Mizoram Baptist Kohhran thalai kum 14 atanga 45 chin tiin thlak nise. (Lungsen Bial)

5. Kum 2013 chhungin HATIM puala fehchhuah Unit tinin neih nise. (Zawlpui Bial)

6. MTKP Organiser quarters hnuai hi sak chhunzawm nise. (Upper Republic Bial)

7. Dan puitlinga nupui pasal neih inzirtirna hi chhunzawm nise. (Upper Republic Bial)

8. Intodelh tura inzirtirna kawngah MTKP in hma la rawh se. (Bazar Bial)

9. Environment humhalhna kawnga hmalak nan Polythene leh plastic lam ten bawlhhlawh an siamte mumal zawka tih riral dan ngaihtuah ni rawh se. (Rahsiveng Bial)

10. “Human Trafficking” chungchangah awareness campaign TKP member te-ah neih ni rawh se. (Rahsiveng Bial)

11. ‘BCM Thurin’ uar zawka inzirtir a nih theih nan MTKP in hma la rawh se. (Rahsiveng Bial)

12. Ram pum huapa TKP member kum khat chhunga boral zat (mipa & hmeichhe zat) record mumal tak MTKP rorel bua tarlan thin turin hmalak ni rawh se. (Bawngkawn Bial)

13. MTKP hian Christian Hospital, Lawngtlai tan ‘Diathermy’ lei nan Unit tinin fehchhuah vawi khat neih nise. (Lawngtlai East Bial)

14. Bial TKP leh Unit TKP chanchinbu te hi MTKP hian Information atana tangkai zawka hman dan ngaihtuah nise. (Zemabawk Bial)

15. Thalaite Thlarau nun intuai thar nan awmni khama tawngtai nise. (Lawngtlai North Bial)

16. MTKP hian Missionary te leh Pastor fate awmna tur Hostel buatsaih dan ngaihtuah rawh se. (Tlabung Bial)

17. Kum 2013 Mizoram Assembly Election hma ngeiin Thalai ten rilru fim tak nen inthlan kan hmachhawn theih nan inzirtir nise. (Lunglawn Bial)

18. Unit leh bial ten a hma lama MTKP lehkha kan hmuh theih nan MTKP in hma la rawh se. (Kolasib Bial)

19. MTKP hian nasa lehzualin Mission rawngbawlnaah hma la rawh se. (Kolasib Bial)

20. Mizoram Kohhran hrang hrangte huapin Consultation neih ni se. (Kolasib Bial)

MTKP Inkhawmpui 2013 Programme