Mizoram Thalai Kristian Pawl (MTKP) Inkhawmpui vawi 46-na February 18-21, 2016 a CYLA Playground, Lawngtlai-a
Mizoram TKP Inkhawmpui 2016 thupui atan "Mamawh Chhanna-Isua Krista" tih hman a ni ang a. Speaker hran nei lovin mi hrang hrangin an sawi dawn a ni. Inkhawmpui tan zan, February 18, 2016 (Ningani) zanah Palai lawmna leh Inkhawmpui hawnna neih a ni ang a, a tuk February 19 (Zirtawpni) ah MTKP Rorel neih a ni ang a, Rorel Palai ni ve lo te tan Pandal-ah Pathian Biak Inkhawm leh Chawhnu lamah Rimawi Kut (Music Festival) a awm ang.
February 20 (Inrinni) chawhma-ah Seminar neih a ni anga, Seminar hi Topic hrang hrang - Kristian Chhungkua, Christian Counselling, IT leh Thalaite tih leh Pathian chibai buk (Worship) ah then a ni a, Mahni duhna ber-ah kal theih a ni ang. Chawhnu lamah Mission pual Inkhawm awmin zan lamah Vantlang/Pathian Biak Inkhawm neih ziah a ni ang. Inkhawm apiangin Zaipawl 6-7 vel an awm deuh zel a, heng bakah hian Solo 2/3 dah zel a ni bawk.
Reception Committee chuan mikhual hmuahna hmun tur a ruahman fel tawh a, hmar lam (Lunglei Road) atanga lokal turte Thingkah bazarshed-ah hmuah an ni ang a, Chhim lam atanga lokal turte College Veng 71 RCC Gate-ah hmuakin, Chawngte leh Bungtlang Road atanga lokal turte Mampui Road Forest Checkgate thlang zawl zau laiah hmuah kan ni ang a, Reception Main Counter atan Lawngtlai Bazar Areopagi hman a ni ang. Vawiin January 9, 2016 thlenga hian mikhual in-report mi 6,400/- vel an awm tawh ani.
......................
Download : MTKP 2016 Programme
For more information: MTKP INKHAWMPUI 2016 LAWNGTLAI Face Book
Download & Install : Android App. for MTKP 2016
