June 8, 2014 hi Baptist Youth World Day of Prayer a ni a. He hun hi khawvel pum-ah Baptist thalaite chuan urhsun takin an hmang dawn a ni. Mizoram Thalai Kristian Pawl (MTKP) pawhin hemi ni hman dan tur programme siamin kumina an rorel, ram tana tawngtai tlaivar programme  nen an hmang kawp dawn a, Pastor bial hrang hrang hun insemin tlaivarin an tawngtai khaidiat an hmang dawn a ni.

(Engkimah tawngtai leh dilin, lawmthu hril tel zelin, in duhnate chu Pathian hnenah hriattirin awm zawk rawh se. Phil 4:6)

Kum 2014 MTKP Rorelna chuan kumin, 2014 chhung hian MTKP-in Mizoram tan tawngtai tlaivar, prayer chain-in, zan khat buatsaih rawh se. tih leh   Baptist Youth World Day of Prayer hman ve ni rawh se tih thu a rel thlu a. MTKP Executive Committee chuan bawhzuiin heng tawngtaina hun pahnihte hi a hranga hmang lovin kaihkawp mai nise tiin a rel a. A hun atan June 8, 2014 (Pathianni) zan a ruat a ni. Tawngtai khaidiat (Prayer chain) a nih avangin bial hrang hrangte a inchhawkin hun insem a ni a, bial tinin an hun chan tur hi MTKP Executive Committee chuan a pawha pawh nise ti-a a rel angin bial tin te tawngtai hun tur hi pawh a ni. Mahni bial tawngtai hun-ah hian bial chhunga unit tinte tawngtai turin kan inbeisei a. Bial leh unit te kan inhuam dan a zirin tawngtai hun tura kan ruat aia tam pawh bial leh unit lamin an duh angin an belh thei ang a, amaherawh chu prayer chain a nih avangin zankhuaa chatlak lova tawngtaina kan neih theih nan inkhaidiat chhawng zel thei tura ruahman tur a ni ang. Tawngtaina hi June 8, 2014 (Pathianni) zan dar 9:00 ah tan nise, a tuk zing dar 4:00-ah a tawp ang.

A hun : 8th June, 2014 (Sunday zan) 9:00 Pm – 4:00 Am (9 June 2014) Tawngtai hun then leh Tawngtai tur bial te : 09:00 Pm – 10:00 Pm : Zawlpui Bial, Zotlang (Lli), W.Phaileng, Farkawn, S.Vanlaiphai, Thenzawl, Thorang, Vathuampui, Zawlnuam, Vairengte, Lungsen (Bial 11) 10:00 Pm – 11:00 Pm : Vaisam Bial, Zobawk N, Lungrang, Chawngte, Mamit, Zemabawk, Republic, Serte, Lawngtlai S, Serkawn, Hnahthial N (Bial 11) 11:00 Pm – 12:00 Am : Diltlang Bial, Damdep, Bawngkawn, Cherhlun, Bungtlang, Buarpui, Rahsiveng, Phawngpui S, Kawrthah, Khawzawl, Theiriat (Bial 11) 12:00 Am – 01:00 Am : Parva Bial, Electric, Mission Vengthlang, Sakawrdai, Tuiphai, Phawngpui N, Hrangchalkawn, Saiha W, Saitual, Lunglawn, Zobawk S (Bial 11) 01:00 Am – 02:00 Am : Kolasib Bial, Luangmual, Lawngtlai E, Leite, Aizawl E, Chanmari, Lungchem, Lengpui, Champhai, Lawngtlai N, Zotlang (Azl) (Bial 11) 02:00 Am – 03:00 Am : Phuaibuang Bial, ZPMBK, Bungtlang S, Thingsai, Haulawng, Phawngpui W, Hauruang, Khawruhlian, Hnahthial S, Muallianpui, Paithar (Bial 11) 03:00 Am – 04:00 Am : Phuldungsei Bial, Bazar, Tlabung, Chhipphir, Tawipui, Serchhip, Bunghmun, Thingfal, Pangzawl, Saiha E, Mualthuam N (Bial 11)

----  000  ----

TAWNGTAI THUPUI

1. Lawmthu sawina : i) Pathianin Chanchin Tha min pek avang leh Chanchin Tha avanga malsawmna leh hmasawnna tam tak kan chan avangin lawmthu i sawi ang u. ii) Thalai ten mahni puala rawngbawlna remchang kan neih theihna tura TKP kan neih avangin Pathian hnenah lawm thu i sawi ang u. iii) Thalai ten Pathian ngaihsakna leh rawngbawl duhna thinlung kan la neih zel avangin Pathian hnenah lawmthu sawi ang u. iv) Kohhran leh thalai te rawngbawlnaah Pathian malsawmna chang a, inpumkhatna leh thawhhona tha tak kan neih avangin lawmthu sawi ang u. v) Unit lamin lawmthu sawina tur kan neihte belh nise (Hruaitu pawhin a lo ruahman lawk thei ang) 2. Ram tana tawngtaina : i) Kan ram hruaitute, Chief Minister, Minister te, MLA leh MP te leh sorkar-a hotu lian ten Pathian atanga finna leh thahnemngaihna thianghlim tak nen ram leh hnam an enkawl theih nan. ii) Kan rama Political party hrang hranga hruaitute leh party workers te tan, dikna leh rinawmna nen hma an lak a, thu puarpawleng leh tawng uchuak laka an fihlim zel theih nan. iii) Kan rama NGO hrang hrang hruaitute leh member te tan, ram leh hnam, khawtlang thatna tur leh hmasawnna tura thahnemngaihna thar nei a, lungrual taka hna an thawh theih nan. iv) Mi tin-te hi khua leh tui tha kan nih theuh theih nan. Kan rama hruaitu mawhphurhna hrang hrang chelhtuten rinawm leh dik taka hna an thawh theihna tura an tha tichak tura kan theihna zawn theuhah thahnemngaia anmahni kan lo tanpui ve theih nan. v) Kan ram hi ei leh barah kan intodelh ve ngei theih nan. Kan ram leilung hausaknate haichhuah a nih a, mipui ten rual khai taka kan chhawr tangkai ngei theih nan. 3. Kohhran tana tawngtaina : i) Kan ram leh Kohhranah Thlarau Thianghlima harhna a lo thlen theih nan. Sual huatna tak tak kan neih a, Thlarau leh tihtak zeta Pathian chibai kan buk theih nan. ii) Kan rama Kohhran hruaitu zawng zawngte tan, Kohhran rorelna leh committee hrang hrang te Pathian duh zawnga kalpui a nih zel theih nan. iii) Kan rama Kohhran hrang hrangte inkarah inunauna leh thawhhona tha zawk kan neih theih nan. iv) BCM hruaitute tan, President, President (Elect), Gen Secy, AGS te, Department hrang hranga mawhphurtute tan, BCM hnuaia full time worker zawng zawng ten Thlarau Thianghlim zai ngaia finna leh thahnemngaihna thar nen hna an thawh theih nan. v) BCM Mission Field hrang hrangah Pathian malsawmna kan chan theih nan. Kohhranho ten thlaraubo veina thinlung kan neih zel theih nan, Missionary ten hmangaihna leh thahnemngaihna thar nen rawng an bawl theih nan. 4. Baptist Kohhran Thalaite rawngbawlna atana tawngtaina : i) MTKP hruaitute tan, Bial TKP leh Unit TKP hruaitu zawng zawngte tan, Thlarau Thianghlim hruaina changa rawng an bawl theih nan. Pathian atanga finna leh thahnemngaihna an neih nan. Taksa damna leh hriselna an neih theih nan. Kumin chhunga kan hmalakna tur ruahmanna te Pathian hruaina hnuaia tha taka kan hlen chhuah theih nan. ii) Baptist World Alliance Youth Department a kan hruaitute tan: President : MS Amanda Haines(USA) Director : Emmett Dunn (Liberia) Director & Chair Person - International Programme Committee: Dale Stairs (Canada)

iii) Asia Pacific Baptist Youth Fellowship hruaitute tan:

President        : Pastor Vesekhoyi Tetseo (Japan) Secretary       : Ms Mihyun Ryu (S.Korea) iv) July 22-26, 2015 a 21st Baptist World Congress - Durban, South Africa a neih tur tan. v) Oct 21-25, 2015-a Asia Pacific Baptist Youth Fellowship (APBYF) Inkhawmpui Bangkok, Thailand-a lo awm tur tan. vi) April 2015 a National Baptist Youth Festival (BYFI Inkhawmpui) Serkawn, Lunglei a awm tur tan. vii) Heng khawvel ram buai zuala kan ringtu pui tihduhdah leh nekchepna tawk mekte, a bik takin kan Kristian thalaipuite tan-rinna a nghet taka an din zel theih nan i tawngtai sak ang u: North Korea, Africa -Somalia, Ukraine, Syria, Iraq, Afghanistan, Saudi Arabia, Maldives, Pakistan, Iran leh Yemen ramte tan. viii) Cambodia, Myanmar, Africa leh khawvel ramdanga tam tuar mekte leh a bik takin heng rama naupang chaw ei tur tha pawh nei lote tan. ix) Khawvel pumah Pathian Lalram din a nih thuai theih nan leh Setana ram thiah a nih zel theih nan. Mizoram leh khawvel pumah Kohhran inunauna, inpumkhatna leh remna a lo awm theih nan.

 ----  000  ----