TKP-ten a thlâwna thisen an pêk thin chu hmun hrang hrangah chhunzawm zêl a ni a. Association for Voluntary Blood Donation (AVBD) Lunglei buatsaih, Lunglei District-a thisen pe tam chawimawina a neihah Mizoram TKP chuan Kohhran huang-a Pawlho-ah thisen pe tam ber chawimawina a dawng.
He Chawimawina hi MTKP hian Kohhran pawl thalai huangah vawi engemawzat a lo dawng tawh a. Kumin June leh September inkar (thla 4 chhung) hian thisen Unit 1505 zet an pe a ni.
MTKP hian kum engemawti chhung chu Nunna chhanhim nân leh a mamawh apiangte chhawr theih tûrin Thisen pek programme a lo duang thin a. Pastor Bial hrang hrang ten mumal leh awmze nei zawka thisen pek programme an kalpui theih nan Blood Donation calendar siamin chumi ang chuan Bial Blood Donation Camp an nei thin a ni.
