[caption id="attachment_18149" align="aligncenter" width="2560"] TKP Short Fiim : Lawmman pakhatna dawngtu : Trinity Unit, Zobawk (Thinlung Danglam)[/caption]

February 5, 2021(Zirtawpni) zan dar 7:00 khan Mizoram Thalai Kristian Pawl buatsaih, Gender Identity chungchang inzirtirna Short Film intihsiak result chu BCM Hall, Serkawnah puan a ni a, hemi rual hian MṬKP Inkhawmpui 2022 Logo tlangzarh nghal a ni bawk.

MṬKP buatsaih Short Film Competition buatsaihah hian Short film ṭha tak tak 18 lai a lut a, heng film-te hi endiktu atana ruat film lam tawnhriat ngah leh mithiam tak tak ten uluk takin an endik a ni.

Film inelna-ah hian Pakhatna-in cheng sing li (Rs. 40,000) an dawng a, Pathihna-in cheng sing hnih leh sang nga (Rs. 25,000) leh Pathumna-in cheng sing khat (Rs. 10,000) an dawng bawk. Hengte hi lawman dawngtute an ni:-

Pakhatna : Thinlung Danglam - TKP Trinity Unit, Zobawk Pahnihna : Oasis - TKP Venghlun Unit, Lunglei Pathumna: Metanoia - TKP Chanmari Unit, Hnahthial

Heng bakah hian a tel zawng zawngte hnenah Citation hlan vek an ni a, Best Actor leh Best Actress, Best Script Writer thlan a ni bawk.  chungte chu:-

Best Actor: H.Lalzawmsanga, Trinity Unit, Zobawk(Thinlung Danglam) Best Actress: Angela Lalsiamtluangi, Aizawl West Unit (Angela) Best Script : Lalhlimpuia Pachuau, Venghlun Unit, Lunglei(Oasis )

Tin, MTKP Inkhawmpui 2022 Logo insiamsiakah hian Logo mawi leh nalh tak tak 40 thehluh a ni a, heng zingah T. Zonunmawia, TKP Zion Unit, Ramthar, Lunglei siam chu thlan niin, lawmman tangka fai Cheng sanghnih leh Citation a dawng bawk a ni.