Mizoram Thalai Kristian Pawl (MTKP) chuan Electronic Media a tha zawng leh a tangkai zawnga hmang tura inzirtirna leh Nulat tlangval kawnga thianghlimna kan inzirtirna atan Short Film competition  buatsaih a tum a, hemi atan hian a inbustaih mek. He Competition-ah hian Unit a tam thei ang ber tel turin an sawm a ni.

 Short Film Competition-a tel turte tana hriattur:-

1) Short Film hi Electronic Media a tha zawng leh a tangkai zawnga hmang tura  inzirtirna leh Nulat tlangval kawnga thianghlimna inzirtirna pholang thei a ni tur a ni. 2) Short Film thui zawng atan Minutes 30-45 a ni tur a ni.

3) Lawmman hetiangin siam a ni ang :

1st        - Rs 10,000.00 (Cheng sing khat) 2nd        - Rs   7,000.00 (Cheng sang sarih) 3rd        - Rs   5,000.00 (Cheng sang nga) 4) Lawmman hi MTKP Inkhawmpui 2013 ah sem a ni ang. 5) Film hi December 15, 2012 aia tlai lovah MTKP Organiser hnenah thehluh                                            tur a ni. Zawh fiah duh nei tan Pu Pc Vanlalrova Ph-9436370679, Pu R.Lalengliana Ph-9436390719 biak nise. ...........................    

Environment Photo Exhibition :

MTKP Inkhawmpui 2013 ah hian Environment lama inzirtirna atan Environment Photo Exhibition buatsaih tum a ni a. Hetah hian TKP member a tam thei ang ber tel turin an sawm bawk a. Tin, kumin June 9-a Environment humhalh hnatlanga unit hnatlang lai thlalak.(thlalak pahnih, A4 size) pawh, he hunah hian tarlan an tum bawk.

Photo Exhibition chungchanga hriattur te –

1) A duh apiang tel theih a ni. 2) Thlalak chu A4 size in buatsaih tur a ni. Thlalak comment (sawifiahna?) nan mipui zirtirna pe thei thuziak thumal 100 aia tam lo telh theih a ni. Comment hi paper hranah ziak tur a ni. 3) Thlalak chu category hrang hrangah hetiang hian then a ni ang. Category tinah mi pakhatin thlalak pakhat zel thawh theih a ni ang.

Category hrang hrangte chu:

i) Nungcha (sava etc) leh ramsa ten humhalh an mamawh zia tilang thei. ii) Ram kan tih chereu nasat zia tilang thei iii) Polythene paih fimkhur loh avanga harsatna thleng / thleng thei thlalak iv) Kan chhehvela Pathian thil siam danglam / hmuhnawm bik te v) Environmental Awareness tha tak pe thei tur thlalak in edit siak (free style & size) 4) Thlalak hnungah a Category No, Hming, Address leh Phone No tarlan tur a ni. 5) Category tinah lawmman 1-3 na thleng siam a ni ang. 6) Mimal thlalak thawhtu zawng zawngte participation prize & citation pek vek tum a ni.

7) Thlalak te chu February 2013 ral hmain hengah te hian thehluh tur a ni.

i) Executive Secretary Office (Baptist House) Upper Khatla, Aizawl ii) Executive Secretary Office (Baptist House) Bazar, Lawngtlai iii) Organiser, MTKP; BCM Office Serkawn, Lunglei. 8) Thlalak te hi MTKP Inkhawmpui 2013 (Haulawng)-ah palaite en theih turin pho chhuah a ni ang a. Inkhawmpui prog remchangah result puan leh lawmman sem a ni ang. Zawhfiah duh nei tan Pu R.Lalnghakliana Ph- 9436157372, Pu T.Lalhlimpuia Ph-9436150892 biak ni se.