April 1, 2016 khan MTKP hruaitute chhuan MTKP hmingin Zosap Missionary la dam awm chhun Pi Zomawii (Miss JT Smith) damlo kanna Rs. 43,000 chu London-a haw tur BMS Action Team te an thawn. Pi Zomawii (Miss JT Smith) hi Baptist Missionary, Mizorama rawn chhuak te zingah a hnuhnung ber a ni a, kum 1972-ah Nursing Superintendent-in a rawn awm tan a. BMS chuan BCM chu mahni ke-a dinga, in enkawl thei ni-a a hriat avangin Missionary te a hnuk kir zel a, Pi Zomawiin pawh kum 6 a awm hnu-in kum 1977-ah an la chhuak ve leh ta a ni.
Pi Zomawii hian Mizo Society hi nuam a tiin a ngaina hle a, Mizo te pawhin kan ngaina-in BMS Missionary ho zingah khawtlang mite pawh ber leh thalaite ngainat a hlawh zual a ni. Mizoram a chhuahsan hnu-ah pawh BMS Missionary-in hmun hrang hrangah a thawk zui a, a hun hunhnung lam, kum 70 a pelh hnuah pawhchawl mai lovin, mahni inchawmin China-ah kan Missionary te nen an la thawk ho ta zel a ni.
Mizoram Thalai Kristian Pawl chuan Pi Zomawii damloh thu a hriattin an lainatin a dam leh thuai an duhsak em em a. Sum leh pai tam tham ni lo mahse, an duhsakna leh hmangaihna tihlan nan leh an tawngtaipui zel dawn a ni tih entir nan damlo kanna hi an thawn a, Pi Zomawii a lo dam leh thuai theih nan BCM pumpui leh Thalai ten theihtawpa tawngtaipui turin an sawm bawk a ni.
