Mizoram Thalai Kristian Pawl Rorelna sang ber-in a rel angin Mihringa sumdawnna (Human Trafficking) leh Ruihhlo that loh zia inzirtirna (Campaign against Human Trafficking and Drugs Abuse) kal zel-ah  tunkar chhungin Mobile Campaign hmun thumah neih mek a ni. He Campaign-ah hian Rev. Lianchhunga Khiangte, Organiser leh MTKP hruaitu dang ten thu an sawi thin a,  Zaithiam zai ngaihtlak tur a awm reng bawk.

Campaign thawhkhatna hi November 14 (Thawhlehni) khan Champhaiah neih a ni a, a thawhnihna chu November 15 (Nilaini) khan Khawzawl-ah neih niin vawiin hian Saitual leh Keifang-ah neih leh a ni  ang. He programme hi Local Cable-ah Live-a tih chhuah thin a ni.