Vawiin, January 22, 2016(Zirtawpni) chawhma lam khan Christian Hospital Serkawn, ICU tihchangtlun nan Mizoram Thalai Kristian Pawl (MTKP aiawhin MTKP Organiser leh Treasurer chuan Christian Hospital Business Manager Pu K Vanlalrema kutah Rs. 268,550/- an hlan.
He sum hi Mizoram TKP Rorel 2015-in a lo rel angin Christian Hospital ICU tihchangtlun nan TKP unit tinin fehchhuah vawi khat hmanga an tuak chhuah a ni a. sum tling khawm zawng zawng a bobang awm lovin an chhunglut a ni. Christian Hospital lam hia He ICU tihchangtlunna tura donation an dawn atang hian - Defibrilator pakhat, Serigne pump pahnih leh LST 5% an lo chah pawh a thleng tawh nghe nghe a, MTKP tanpuina sum hian a rul tawk vel chiah tura beisei a ni.
 |
 |
Tunah hian Christian Hospital-ah hian ICU room-ah khum pahnih dahin Ventilator nena thuam a ni , Emergency thilah damlo pathum enkawl theihna tura buatsaih a ni.
Mizoram TKP hian kum 2015 thurel hrang hrang bawhzui mek zelin heng a hnuaia tarlante hi an hmalakna lian zual te an ni.
1. MBKHP Chhawmdawlna In, Melte tanpuian Rs. 155,814/-
2. Mission Relief (TKP Ramthim Ni thawhlawm) - Rs. 112,500/- atangin Mire Biak In sak tanpuina Rs. 50,000/- leh Missionary damlo kanna Rs. 62,500/- an pe tawh. Heta la bang zawng hi Zosap Missionary la dam te RF Tucker leh JT Smith te hnenah pek tum a ni.
3. Missionary kai(Tlabung)-ah Monument siam zawh tawh a ni a, January 25, 20-15 hian hawn tum a ni a, Rev. R.Lalbiakliana, MTKP President-in a hawng ang.
