MTKP Hruaitute Haulawng leh Ramlaitui-ah
Mizoram TKP hruaitute Tun Pathianni (July 29, 2012) hmang hian Haulawng leh Ramlaituiah hun an hmang dawn a. Ramlaituiah hian Treasurer, Pu F. Lalromawia, Senior Adviser, Upa K. Lianhmingthanga leh Commt. member Pu RK.Vanlalsiammawia te kal ang a. Haulawngah (Inkhawmpui Awarness prog.) Organiser, Rev. Samuel Lalremsanga, Pu Victor Lalrinawma (Fin.Secy) leh Pu R. Lalnghakmawia (Com.member) te an kal ang.
Bolero thar pathum
BCM chuan tun hnaiah Bolero pathum a lei thar a; pahnihte hi Headquarters Office-a mi tur a ni a; pakhat hi ES Office, Lawngtlaia mi tur a ni.Pu C. Lalbiakthanga Serchhipah
Prevention & Care Organiser, Pu C. Lalbiakthanga chuan July 21 zan atang khan Serchhip Ebenezer Biak inah Crusade leh camping a neihpui a, ruahman lawk dan chuan zaninah an tiak ang.
Sangau Unit TKP in thisen pe
Sangau Unit TKP chuan Christian Hospital Lawngtlai-a hman turin July 18, 2012 khan a thlawnin thisen Unit 17 an pe a; hei hi TKP Day puala ti an ni.
Khawlian Kohhran Biak in sa mek
Tunlai hian Phuaibuang Pastor bial huam chhung Khawlian kohhran chuan Biak in an sa mek a. July 16 khan a chhuat chhun hnatlang ropui tak neiin Presbyterian Kohhran member 100 chuang zet leh ICI (7 Day) kohhran ten an pui bawk tih an bialtu pastor hnen atangin report kan dawng.
Evangelist-te Programme
Tunlai hian kan Evangelist team hrang hrangte rawngbawla kan hriat theih chin hetiang a ni.:-
Ebenezer Ministry (Speaker: Evan. Vanlalmawii) : Aizawl Zotlang Kohhranah. Evangelical Revivalistic Ministry (Speaker: Evan. David H. Lallawmkima) :YLA buatsaihin Lawngtlai Council vengah. Invaders for God (Speaker: Evan.PL.Sanglura) :Chanmari, Lungleiah. Chanchin Tha Chhuangtute team (Speaker: Evan. K. Lalenga) :Lawngtlai Chanmary Kohhranah. Thu tak Puangtu team (Speaker: Evan. Dengdailova) :Saiha Town Church-ah. Krista Kraws Chhuangtute team (Speaker: Evan.TC. Lalchhandama) :Republic Vengthlang Kohhranah. Gospel Herald team (Speaker : Evan. Lalhuliana Chhangte) :Zohnuaiah. Mizoram For Christ team (Speaker: Evan. Tlangmawia) : Hnahthial Bazar Kohhranah. Ambassador for Christ team (Speaker: Evan. K. Lawmsanga) : Phunchawng (Aizl) Kohhranah.
