1. Lawmthusawina :
2016 MTKP Inkhawmpui, Lawngtlaia Pathian min hruaina leh malsawmna tam tak avangin Pathian hnenah lawmthu kan sawi a. Inkhawmpui Organising Committee leh a hnuaia Committee leh Department hrang hrang thawhrimna avangte, Mizoram sorkar leh LADC hotute leh sorkar Department hrang hrang hotute duhsakna avang te, Lawngtlai khaw mipui leh Kohhran hrang hrangte thahnemngaihna leh thawhhona tha tak avangte-in lawmthu kan sawi a. Lawngtlai khawpuiin inkhawmpui ropui taka min thleng hi kan lawm hle a. Bial leh unit atanga palai kal zawng zawngte, zaipawl leh soloist-te leh chanvo neitute zawng zawng hnenah pawh lawmthu kan sawi bawk a. Inkhawmpui hlawhtlinna atana thawktute zawng zawng hnenah lawmthu kan sawi e.
2. 2016 MTKP Rorel Minutes :Baptist Printing Press, Lawngtlaia thawktute thahnemngaihna avangin 2016 MTKP Rorel Minutes & Reports pawh inkhawmpuina hmun atangin bial tinin kan la nghal thei kha a lawmawm kan ti hle a ni. Minutes hawn lo bial kan awm palh a nih chuan Organiser hnenah lam theih reng a ni e. Minutes kha mahni bial leh unit-a kan umzui nghal mai theih kha chu hmalak nghal mai tur a ni a. MTKP-in ruahmanna a siam ngaite erawh chu MTKP Executive Committee-in ruahmanna a siam hunah kan la inhriattir leh ang.
3. MTKP Target 2016 :Bial tinin MTKP-a kan chhunluh tur target semna kha Minutes bu-ah khan tarlan a ni a. Mahni bial target te a hun taka kan pek theih nan unit leh bial hruaituten kan ngaihven theuh dawn nia.
4. MTKP Thuzir 2016 :MTKP Thuzir 2016 kha bial tinah thawn chhuah a ni a. Mamawh belh kan awm chuan Organiser hnen atangin kan lam belh mai dawn nia. Exam hun (Nov 13, 2016) leh tul dangte pawh a bu-ah khan tarlan a ni e. Thuzir bu man hi Rs 20 a ni a, Hqrs Office-ah pek tur a ni.
5. Thalai Entu chungchang :Kumin atangin Thalai Entu lak man hi bu khat Rs 7.00 (kum khatah Rs 80.00) a ni ta a. Unit tinah agent pakhat tan copy pakhat a thlawna pek thin a ni. A man hi pek hma tum theuh nise. Tin, thu chhuah tur tha kan neih chuan inthlahrung lovin Editor-te hnenah kan pe zel dawn nia. Nikumah khan missionary laksaktu kan nei tha a, a lawmawm hle a ni. Kuminah pawh missionary laksakna lamah tan kan la chhunzawm zel dawn nia.
(Chanchinbu lamah chhuah tur a tam deuh avangin kan tum hunah kan tichhuak hman lova, chhiartute ngaihthiamna kan ngen e)
Sd/- Rev.Samuel Lalresanga Organiser, MTKP
