I) Hruaitu te term leh post chungchang :- FOD Inkaihhruaina Dan Part II Bung 5, 7 (2) (a) (b) & (c) hi hetiang hi a ni tawh ang – (a) Unit TKP-ah chuan hruaitua tan hun chhung chu kum khat a ni ang a. Mi pakhatin a zawnin Office Bearer-a nihna (post) ngai kum hnih bak a chelh thei lovang. Nihna dangah erawh chuan thlan theih a ni ang. (b) Bial hruaitua tan hun chhung (term) chu kum hnih a ni ang a. Mi pakhatin a zawnin Office Bearer-a nihna (post) ngai term hnih aia tam a chelh thei lovang. Nihna dangah erawh chuan thlan theih a ni ang. (c) MTKP hruaitua tan hun chhung (term) chu kum thum a ni ang a. Mi pakhatin a zawnin Office Bearer-a post ngai term hnih aia tam a chelh thei lovang. Nihna dangah erawh chuan thlan theih a ni ang. II) Unit TKP Programme Committee member ruat dan :- FOD Inkaihhruaina Dan Part II, Bung 8, 15 (4) (a) hi hetiangin hman tawh tur a ni ang – (a) Unit TKP Office Bearers-in kum khat atan member tur tul a tih zat a thlang ang. 2. Thalai Entu subscription thu: Kum a lo thar leh dawn ta a. Kum thar, 2015 a Thalai Entu kan mamawh zat tur Agent tin ten a rang lamin Circulation Manager / Organiser MTKP (9436157790) hnenah hriattir tur a ni. SMS-a hriattir mai hi a awlsamin a tha tawkah pawh kan ngai. Mahni mamawh zat report lo te chu kumin, 2014-a kan pek zat pek chhunzawm zel an ni ang. Kum thar, 2015 atang chuan Thalai Entu Agent zawng zawng ten copy khat a thlawnin an chang zel tawh ang. 3. MTKP & Thalai Entu Account Audit hun: Audit hun atan January 16, 2015 (Zirtawpni) ruat a ni a. Bial leh Unit atanga MTKP-a pawisa lut tur te leh Thalai Entu man te hemi hma hian pek fel tum theuh turin kan inngen a ni. Sd/- Rev. Samuel Lalremsanga Organiser, MTKP