TKP Thing phun Hnatlangpui-June 9, 2012 (Inrinni):

MTKP chuan kumin chhunga Environment humhalhna kawnga hmalakna pakhat atan TKP awmna hmun apiangah a rual tlangin MTKP, Bial leh Unit ten mahni tui lakna / tuikhur hnar (catchment area)-ah tuihna a tam lehzual nan ‘TKP Thing phun Hnatlangpui’ June 9, 2012 (Inrinni) hian neih ni se a ti a. He hunah hian a rual tlanga thing phun beihpui nei turin Bial leh Unit TKP te chu mahni hmun theuhah hma la turin MTKP chuan a beisei a ni. Thing phun belh ngaih lohna a mite chuan thing awm sa humhalh kawngah hma lak ni se. Tin, tuikhur tibawlhhlawh thei tihfai leh tuikhur hiahfaite pawh tih ni se. Thing phun tur hi mahni Unit theuh inngaihtuah ni se, Bial huapa a huhova hmala duh tan pawh tih theih a ni. Thingphun hnatlang thlalak hi MTKP Organiser hnenah thawn/thehluh theuh ni se, 2013 MTKP Inkhawmpui Photo Exhibition-ah pho chhuah nise tih a ni. Hriattirna hi Unit tin thleng tura tihchhuah a ni a, Lehkha la hmu hman lo palh kan awm takah Baptist Today-a hriattirna hi hriattirnaah pawm nghal tur a ni.

 

TKP Ni Pawimawhte:

TKP te hian ni pawimawh pahnih, TKP Ramthim ni (May 29) leh TKP Day (July 30) kan nei a. Heng nite hi TKP te rawngbawlna atan hun hlu leh pawimawh tak a ni. Unit tin te thahnemngai leh uluk taka kan ni pawimawhte hmang turin kan inchah a. BCM Special Day Programme (BCM Ni Pawimawh bu) a tarlan bak kha chu unit tin ten mahni tha tih anga ruahman nise.

 

  2013  MTKP Inkhawmpui chungchang:

(1) Inkhawmpui hun atan March 21-24, 2013 ruat a ni. (2) Thupui atan ‘Lalpa hman tlak’ (II Timothea. 2:21) thlan a ni.

(3) MTKP Inkhawmpui-ah hian TKP unit a tam thei ang ber zaipawl nei turin MTKP chuan a beisei a. 2013 MTKP Inkhawmpuia zaipawl nei thei tur Unit-te chuan September 2012 ral hma ngeiin MTKP Organiser hnenah in report tur a ni. Bial zaipawl atang chuan a thlengtu Haulawng Pastor Bial Zaipawlte zai tura beisei an ni a; mi dang tan in report a ngai lo vang.

(4) Inkhawmpui duhawm tak kan neih theih nan Pathian hnenah thahnemngai taka tawngtaiin tan i la theuh ang u.      

Sd/-

Rev Samuel Lalremsanga

Organiser, MTKP