Kar hmasa Zirtawpni, September 18, 2020 khn Mizoram Thalai Kristian pawl executive Committee chuan video online meeting an nei a, he hunah hian Mizoram hmun hrang hranga MTKP Executive Committee member ten Meeting hi Zoom kaltlangin an zawm a, meeting tluang takin an nei thei.
Thu ngaihtuah tura chhawp chhuah zingah chuan MTKP rorelna-in a lo passed tawh Mizotawng humhalh chungchang leh Gender Identity chung chȃnga Sub-Committee te ruahmanna thlir leh pawm chungchang te, Hri lêng kara TKP Unit leh bialte thlarau lam nun chawm dan tur chungchȃng thu leh 2020 TKP ramthim Ni leh TKP Day thupui siam chungchang bakah 2020 TKP Thuzir exam dan tur chungchang te a tel.
Gender Identity chungchanga Sub.Committee-in ruahmanna a siam chu pawm a ni a. “Pathianin min siam dan bȃka mipa leh mipa, hmeichhia leh hmeichhe inkȃra awmherhna, inngaihzawnna leh inneihte hi Pathian thu leh BCM inkaihhruaina-RULES-III,24;122(9) kalh a nih avȃngin MṬKP chuan a pawm lo a. Hetiang kawnga harsatna neite chhanchhuah leh Pathian duh dan hriattir hi MṬKP chuan kan tih turah kan ngai a ni” tiin MTKP chuan Gender Identity chungchangah ngaihdan a puan chu pawmin, hmalak dan tura ruahmanna point pasarih a duan leh hemi bawhzui nana budget a ruahman cheng nuai khat, sing nga (Rs. 150,000/-) chu pawm a ni.
Mizo tawng humhalh leh tih hmasawnna tura hma lak dan tur ruahmanna sub.Committee-in a lo duan pawh thlirin a tlangpuiin a pawm a, hemi atana budget cheng nuai khat leh sing 5 (Rs. 1,50,000.00) a ruahman pawh pawm a ni bawk.
Committee ah hian Hri leng avȃngin Feb 22.2020 atanga Kohhran inkhawm leh TKP thil tih thin hrang hrangte tih theih a nih tak loh avanga member te thlarau nun a nghawng theih dan te ngaihtuaha, hmalak dan tur te sawiho a ni a. Ruahmanna hetiang hian siam a ni.
- MṬKP hian Zoom/Youtube hmangin thla khatah inkhȃwm vawikhat buatsaih.
- Unit leh Bialte a remchan anga internet kaltlanga inkhȃwm/fellowship buatsaih thin tura ngen.
- Whatsapp hmanga Bible Quiz buatsaih tura TKP Unit tin te ngen.
- Khawte zȃwk, leh kilkhawr zawk, COIVD-19 kai hlauhawm lohna hmuna ṬKP te inkhawm leh inpawlho chungchȃnga thurȃwn (Sawrkȃr order bawhchhe lovin) siam.
- Covid-19, laka fimkhurna lam leh inzirtirna lam hawi a Banner/ Poster buatsaih tura bial te ngen.
