March ni 17, 2022 (Ningani) zan dar 7 :00 khan BCM Hall, Serkawn ah MTKP in Rilru hrisel nei tura inzirtirna lemchan tawi a buatsaih 'Rilru Darthlalang' tih chu tlangzarhna inkhawm neih a ni.

Lemchan tawi (Short Darma) tlangzarh Inkhawm hi MTKP Assistant Secretary, Pu K. Lalawmpuia'n a kaihruai a, MTKP President Rev. Vanlalmuankima'n tlangzarhin, MTKP Secretary Rev. Lalbiakenga'n Pathian hnenah hlannin a tawngtai a, Nl. Vanlalrohlui-in Pathian fakna hla a sa bawk.

He hunah hian lemchan buaipuitu te leh a changtu te hnenah lawmthu sawina thilpek hlanna neih a ni a, Short Drama enho nghalin a tawpah Upa. Dr. Lalchhanhima Fanchun Adviser MTKP in  tawngtaina hmangin  a khar a ni.

[caption id="attachment_20859" align="aligncenter" width="474"] Rilru Darthlalang : Changtute leh buaipuitute[/caption]

Lemchan tawi Tlangzarhna ah hian MTKP hruaitu te leh lemchan buaipuitu te bak ah MTKP Rorel Inkhawm-a Palai tur lo kal mi engemawzat an tel a ni. Rilru Darthlalang hi Tv. Lalhlimpuia Pachuau ziak ni in, director pawh amah tho hi a ni.

He lemchan tawi hi MTKP Youtube Channel ah a duh apiang en theiha dah a ni.