Mizoram Kohhran Hruaitu Committee (MKHC) chuan October 13, 2015 (Thawhlehni) zâna Mizoram baptist Kohhran Biak In, Bâwngkâwn Brigade Vêng suasama, tihchhiat a nih chungchangah hetiang hian Press Release a siam:-
MKHC, LUNGLEI PRESS RELEASE:
(Dt.15.10.2015)
Dt.13.10.2015 (Thawhlehni) zana Brigade Field Area, Bawngkawn Aizawl hmuna BCM Biak In sak, nasa taka tihchhiat a nih thuah MKHC Lunglei chuan Meeting kovin thlirhona neih a ni a. Hemi chungchangah hian MKHC Lunglei hmingin Press Release siam tha a ti a. Hetiang hian siam a ni.
- Kristian ram (Mizoram)-ah sakhaw hmun thianghlim tihbawrhban a ni ta fo te, keimahni kut ngei hmanga Pathian Biak In tihchhiat a ni tate hi MKHC Lunglei chuan a dem takzet a. Hetiang thil hi tun hnuah thleng ngai tawh lo se kan ti.
- He thil thleng remchanga hmanga Kohhran pawl hrang hrangte kara inunnauna tichhe thei zawnga thu thehdarh awm lo se kan ti. Hetiang a lo awm a nih pawhin Kohhran mipuiten lo awih mai lo turin kan inngen a ni.
- Eng Political party mahin mahni party tana remchanga hmanga party dang demna emaw sawichhiatna emaw atan hman loh tur a ni.
Social Media (Chanchin bu, WhatsApp, Facebook etc.) hmanga mipui tichiai thei, thu belhchian dawl lo thehdarh lo turin mipuite kan ngen bawk a ni.
|
|
Sd/- (REV. H.LIANNGAIA)
Chairman
|
Sd/- (REV. RALKAPKUNGA KHIANGTE)
Secretary
|
|
M K H C, L U N G L E I
|
