Mizoram Kohhran Hruaitute Committe (MKHC) Executive Commitee October 20, 2015-a thukhawm chuan Bawngkawn Brigade venga BCM Biak In, October 13, 2015 zana khawtlang mipuiin kut an thlak chu pawi an tih thu an sawi.
MKHC chuan India ram hmun danga Kristiante nekchepna leh Biak In tihchhiatna thleng thinte kan duh loh thu leh a theih ang anga kan demzia kan lantir thin lai a, keimahni ram ngeiaย hetiang thil a lo thleng ta mai hi a zahthlak an an tih thu leh pwi an tih thu an sawi a, Pathian biakna hmun (place of worship) zahawmna vawnhim an duh thu leh a tibawrhbang zawng leh tichhe zawnga hmalakna te leh tharum thawha chetna chi reng reng an dem tak zet tih an thuchhuahah an tarlang.
MKHC chuan hetiang thil hi thleng tawh lo se an duh thu sawiin he thil thleng hi kohhran leh pawl hrang hrangte inunauna tichhe tur zawnga remchangah tumahin hmang lo tur leh hetiang thil hi a thlen tawh loh nan Pathian hnena tawngtaina hlan turin MKHC chuan Kohhran tinte a ngen tih an thuchhuahah an tarlang a ni.
Src:MSR
