Mizoram Kohhran Hruaitute Committee (MKHC) Executive Committee June 11, 2020-a thukhawm chuan khawvela covid-19 hripui lengin India ram leh Mizoram min chim mek dan thlir hovin, June 21, 2020 Pathianni zanah kohhran mipui zawng zawngten a ruala chawnghei tawngtai neih ni se tiin a rel.
He ram pum huap chawhnghei awngtaina hi mipuiin a ruala an lo zawm vek theih nan dar 7:30pm-ah MKHC hruaituten TV Lives programme siama kaihhruai ni se tiin a rel a. He chawnghei tawngtai hi kohhran mipui zawng zawgten an lo zawm a, a hlawhtlin theih nan MKHC member Kohrante chu mahni Kohhran theuhah a zau thei ang bera puangzar turin an ngen nghal a ni.
Tualchhung Kohhran hrang hrangten an hmunhma, Covid 19 hripui leng avanga Mizoram pawn atanga lo hawte inkhung hranna atana an lo hmantir chungchangah MKHC chuan lawmawm a tiin, lawmthu a sawi a. A rem chan dan anga tualchhung kohhranten sawrkar thuneitute lo tawiawm zel turin MKHC chuan a beisei a ni tiin a ngen zui nghal bawk.
Hemi Chungchang thu hi Mizoram Baptist Kohhran pawhin ngaihtuahin MKHC-in a ngenna hi tihhlawhtlin ngei tha tiin Tualchhung Kohhran zawng zawngah ngenna siamin, Kohhram mite leh Chhungkaw tin ten he hun hi lo zawm ve tura hma lo la turin a ngen a ni.
