Kum tin fur lo intan dawn leh a tawp lamah hian Thli, Ruah, Rial leh Leimin avangin harsa taka kan din in leh lo te, darkar rei lote chhungin a chhe thin a, tuarna nasa tak a thleng thin. Mizoram Baptist Kohhran Relief & Development Department chuan hengte avanga chhiatna laka kan him zawk theih nan mi tinte in leh lo kan theih ang tawka vên lâwkna hna ngai pawimawha thawk theuh turin kan inngen a. Tun lai hian kan in leh lo chhiatna laka him lo lai theuhte ngun takin chian nawn (check) theuh ila, chu mi atan chuan-

1. Kan chênna in leh lo, Thlâm te, hrui/hnâng leh thirzaia phuar that te 2. In bul tuihawk leh tui chhe luanna kawng mumal zawka siam that te 3. Kan in chung leh liang kau lai siam that hna te leh 4. Kan him zawkna tura tul kan tih leh hmuh apiangte ngai pawimawhin i thawk ang u. Harsatna lian zawk leh Tuarna nasa zawk kan pumpelh theihna kawng pawimawh tak a ni e, tiin mi tinte kan inngen a ni e.

Sd/- (REV.LALBIAKSANGA CHINZAH) Associate General Secretary, i/c Service,  Baptist Church of Mizoram  Sd/- (MS DAWNGLIANA)                                                                                                                Director, Relief & Development Deptt. Baptist Church of Mizoram