Vawiin, March 7, 2022 (Thawhtanni) chhun dar 12:00 khan Mizoram Baptist Kohhran Headqurters Office sak belong, (Annexe) chu General Secretary Rev. F. Ramdinmawia’n a hawng.
Building hawnna Inkhawm hi Rev. R. Lalbiakliana, AGS (Service) in a karihruai a, Er. Victor Lalrinawma, Director BCM property Department-in Technical report pe-in, Building sak dan leh Building-in a ken thil hrang hrang te a sawifiah a, General Secretary Rev. F. Ramdinmawia’n Kohhran-in hma kan sawn zelna leh Pathian malsawmna kan dawn te vawn him leh tih hmasawnna kawngah ke pen zel tur kan nih thu te, Infrastructure leh Assets te hi Pathian rawngbawlna tura kan in sawh nghehna hmanraw pawimawh tak a nih thu te sawiin, hetiang nei thei tura hma laturte leh Kohhran hote chungah lawmthu a sawi a, Building a hawng zui nghal a ni.
Rev. Dr. C. Vanlaldika, AGS (Mission) in Pathian hnenah Building thar hlanna leh lawmthusawi tawngtaina a nei zui nghal a. BCM President, Rev. Dr. V. Laldingliana pawhin thu sawiin, Headquarters Office Building sak belh a nih chungchangah hruaitu hmasate leh hna thawktu te, a enkawltute chungah lawmthu sawiin, 'vawiina hawn theiha a lo awm ta chu Kohhran leh Puipate tanrualna leh thawhhona tha a nih vang leh an thawhrim leh remt]hriatna vang a ni' tiin lawmawm a tih thu a sawi a. Rev. H.Lianngaia, Former General Secretary leh Rev. F. Sangvela, Former President & AGS (Mission) te pawhin thu sawiin, he Building sak bul tan a nih atnga vawiin thlenga ruahmanna leh bawhzuitute fakin, Building chhunga Hall leh Office te changkang leh tha tak tak an hmuh te chu lawmawm an tih thu an sawi bawk. Zaithiam Jonathan Lianhna leh Stacy Punte ten Pathian fakna hla an sa a, Rev. Lalremsiama Ralte, Director, Worship Department-in Malsawm tawngtaina-in inkhawm a khar a ni.
BCM Headquarters Office Annexe Building hi kum 2006 ah Rev. H. Lianngaia (Hetih laia General Secretarty) in lungphum phumin bul tan a ni a. Building len zawng hi a vang lam feet 38, a dung lam feet 120 niin, Ground foor hnuai lamah floor hnih leh a chung lamah floor thum, avaiin floor 5 a awm a, a sak nan hian cheng nuai 304 hman a ni. He building sak hna hi BCM Property Deparmtent-in a tir atangin Plan & Estimate te siamin an thawk a, sum awm remchan dan ang zela hna hi thawh a nih avangin hna a kal chak thei lo a, building sak nan hian kum 16 zet hun hman a ni.
He Building tharah hian BCM Hall, Meeting Room leh Archive & Library te bakah Office lam Mission Department, Worship Department, Fellowship Department Office te Audio Visual Production Office leh Studio te dah a ni a, Family Quarters pakhat awmin hemi bakah hian Dining Hall leh Cafeteria tur te pawh ruahman fel tawh a ni.
[caption id="attachment_15465" align="aligncenter" width="474"]
BCM Hqrs. Office, Serkawn[/caption]
