Mizoram Baptist Federation (MBF) chu naktuk, September 12, 2012 hian BCM Committee Hall, Serkawn-ah an thukhawm dawn. He Meeting-ah hian Federation inkaihruaina leh kalphung tur te an duang dawn a ni.
[caption id="attachment_1931" align="alignleft" width="300"]
MBF Consultation April 13, 2012[/caption]
Mizoram Baptist Federation hi Mizoram-a Kohhran Pawl hrang hrang - Baptist Principle leh Doctrine chhunga awm te intelkhawm-in an siam a ni a. April 13, 2012 khan Consultation an lo nei tawh a. Hemi tuma kal, Kohhran Pawl hrang hrang aiawhte chuan “Keini, Baptist Principle-a kal Kohhran aiawh kalkhawmte hian Inlaichinna leh thawhhona tha zawk kan neih theih nan leh Pathian ram tana tangkai zawka rawng kan bawlho theih nan, Vawiin April 13, 2012(Zirtawpni) hian Mizoram Baptist Federation(MBF) kan din ta” tiin Resolution an lo siam tawh a ni.
He Federation kalphung tur leh hnathawh dan tur te duang a, umzui tur hian Rev. H. Lianngaia, General Secretary, BCM Convener-na hnuaiah heng te hi member an ni:- 1. Rev. C. Hrangzuala – General Secretary, (Lairam Isua Krits Baptist kohhran(LIKBK) 2. Rev. S. Chin Khan Tuang – Zomi Baptist Church 3. Rev. Az. Beirakaw – General Secretary, Congregrational Church of India Maraland (CCIM) 4. Rev. Dr. Raltawnga – President, Baptist Church of Mizoram(BCM) 5. Rev. MS Dingliana – Executive Secretary, Fundamental Baptist Church (FBC)
