Missionary Orientation an nei mek:   

Mizoram Baptist Kohhran, Mission Board Committee-in July 24, 2014-a Missionary a lak tharte chu July 30 atang khan Jubilee Bible School Class room, BCM Hqrs. Office -ah Orientation (training) neihpui mek an ni.

Orientation hi karleh, August 8, 2014-ah an zo ang a, August 10, 2014 (Pathianni) zing inkhawmah Tirhchhuah an ni ang. Chanchin ziak lai hian Tirhchhuah Programme siam fel a la ni lo va, tirhchhuahna hmun tur Kohhrante dawr mek a ni.

  Missionary lak tharte hi post hmasa lamah tarlan tawh ni mahse,  lo tarlang leh i la..

Sl/No	Hming	Pa hming	Hna hming	Kohhran/Khua
1	C. Lalnunzami	C. Lalrinawma	Evan. Nurse	Rashiveng, Lli
2	H.Malsawmkimi	H. Lalbiakmuana	Evan. Teacher	Venglai, Lunglei
3	Moses Lalvenhima	Hrangthanzova	Evan. Teacher(Hindi)	Bethani, Lawngtlai
4	R. Vanlalsangpuia	R. Vanlalhnema	Evan. Teacher	Diltlang
5	F. Vanlalhruaii	F. Lalramnghinglova	Evan. Teacher	Luangmual, Lli
6	R. Zorempuii	R. Lalhnema	Evan. Teacher	Zotlang N
7	F. Rorelliana	F. Lalkaia	Evan. Teacher	Darzo
8	Amar Thapa	Nar Bahadur Thapa	Evangelist        (Non-Mizo)	Bualte
9	R.Lalhmangaihzuala	R. Lalthara	Evangelist         (Non-Mizo)	Electric, Lunglei
10	R. Lalnunzira	R. Lalthangvunga	Evangelist        (Non-Mizo)	Serkawn

Temporary Post-a thawk lai H.Lalbiakveli E/T  BMS  Tuichawng chu  Substantive Post ah hlan kai a ni a, Cotract Basis a thawk lai F. Zoramthara , Music Teacher, Naharlagun, Arunachal West Field chu Temporary post ah hlan kai a ni bawk.   Harhna Champha hmanpui:

August 1 – 3, 2014 chhung hian Sonkang Baptist Kohhran, Tripura chuan 2009 August 3 a Thlarau Thianghlim Harhna ropui tak an chan champhaphak an lawm mek a. Hemi hmanpui tur hian an rawn sawm angin Upa C. Ngurhnema, Zohnuai leh Rbt. T. Rothiauva, Central Church, Aizawl te chu an kal.

Missionary damlote : 1. Nl. F. Lalsawmliani, Evan. Nurse, ZBMS, Birpara chu Damdawi inah a Chhul paihsak a ni. 2. Nl. F. Zoramthangi, Evan. Nurse (rtd.), Lunglawn, Cancer chu a tha vak lo niin a lang. Heng damlote tan hian Pathian thlamuanna leh tihdamna i dilsak ang u. Mission Sunday hmang:

Ramhlun North Kohhran chuan August 3, 2014 (Pathianni) hian Mission Sunday hmangin, an kohhran atanga Missionary chhuak te Pu H. Laltlankima, AICS, Aizawl School of Mission-a Lecturer leh  Upa H.S. Lalhmingthanga, BCM Mission Promoter te chu thuchah sawi turin an ruai dawn.

Mission Convention & Consultation:

(1) August 15 – 17, 2014 chhung hian Electric N, Hnahthial kohhran chuan Mission Consultation neih an tum a. Resource Person atan BCM Mission Promoter Upa H.S. Lalhmingthanga an sawm.

(2) Rev. B. Lalrinawma, Mission Coordinator pawh hetih lai hian Zotlang, Lungleiah Mission Convention Speaker a ni dawn. Chawllehkarah chiang zawka tarlan kan tum ang.

Mission Committee:  

BCM Mission Committee (Assembly level) chu August 6 – 7, 2014 (Nilai leh Ningani) hian Sap Upa leh Pu Buanga Hall, BCM Hqrs. Office-ah neih a ni dawn. Agenda dang bakah Mizoram chhung leh pawna Missionary te Annual Working Plan leh kum chanve (Jan. – Jun. 2014) Reports te thlirho a ni ang.