Pathianni hmasa, July 11, 2021 chawhma dar 11:00 khan Mizoram Baptist Kohhran Biak In, Sikul veng, S. Vanlaiphai—ah Missionry Tirhchhuah Inkhawm neih a ni a. Tun tumah hian Missionary pakhat, Ramchhung Mission, Dapchhuah-a thawk tur, Nl. Lalnunsangi Renthlei, D/o R. Lalrinliana, S. Vanlaiphai chu tirhchhuah a ni.
Missionary Tirhchhuah Inkhawm hi Rev. R. Lalthangliana, Director, Mission-in a kaihruai a. Pu T. Nghaksanga, Mission Promoter-in Missionary mamawhna leh tulna te sawiin Nl. Lalnunsangi Renthlei hnen atangin Testimony ngaihthlak a ni bawk. Upa C. Lianvunga, Bial Chairman Elect, S. Vanlaiphai Bial leh Upa
Lalrintluanga, Chairman, Mission Comt. BCM Sikulveng ten Bible an chhiar hnu-ah Rev. R. Lalbiakliana, AGS (Service) in Tirhchhuahna neiin BCM hmingin Bible a hlan nghal a, Rev. Zadingliana Pachuau, Bialtu pastor, S. Vanlaiphai Bial-in Missionary tana tawngtai sakna a neih hnu-ah Rev, Dr. C. Vanlaldika, AGS (Mission) in thuchah a sawi a, Rev. R. Lalthangliana’n Malsawm tawngtaiin Inkhawm a khar a ni.
Missionary Tirchhuahna Inkhawm ban-ah hian Biak Inah Missionary-a kal tur Nl. Lalnunsangi hi Orienatation neihpui nghal a ni a. Orientation hi Mission Director Rev. R. Lalthangliana leh Mission Promoter, Pu T. Nghaksanga ten neihpuiin, Missionary te tana hriat tur leh zawm tur hrang hrang kawhhmuhna neihpui a ni.
Nl. R. Lalnunsangi hian tunkar ninga ni, July 15 khan Headquarters ah Joining report pe in, a hna a zawm a, a thawhna hmun Ramchhung Mission, Dapchhuah hi tun dinhmunah containment zone a nih avangin a kal hun tur hi Mission Department hotute nen boruak thlir chunga la ruahman a ni ang.
