Mizoram Baptist Kohhran chuan Tunkar Pathianni, June 30, 2013 Chawhma dar 10:00 hian BCM Salem, Lunglei-ah Missionary thar panga a tirchhuak leh dawn ta a. Missionary Tirchhuah Inkhawm hi Rev.B. Lalrinawma, Mission Coordinator-in a kaihruai ang a, BCM President, Rev.F. Sangvelaโn Pathian leh BCM aiawhin a tir chhuak ang. Rev.V. Vanlalchhunga, Director, Communications Department chuan thuchah a sawi ang a. Mission Promoter, Upa HS.Lalhmingthangan missionary tharte inhmelhriattirna hun a hmang ang a. BCM Choir, Lunglawn Kohhran Zaipawl leh Bethsy Lalrinsangi te an zai ang a, Tirhchhuah turte hnen atangin Testimony tawi ngaihthlak a ni bawk ang.
Heng Missionary thar panga tirhchuah turte hi June 13, 2013 a Mission Board-in a lak an ni a. Headquarters Office-ah Orientation Class neihpui an ni tawh a. Beisei dan chuan July 10 hmaa an thawhna hmun theuh thleng tura tih an ni.
Tv. Lalsangzuala Hnamte (BA,M.Div.M.Th):
Saiha Council venga Pu H. Doremthanga te fapa a ni a, Saiha Town Church-ah a lawi. Arunachal Far East field-a Namsai khuaah Evangelist-in a awm dawn a ni.
Nl. C. Zodinmawii (BA.Hons); B.Th; M.Div):
Champhai venglaia Pu C. Lianngenga fanu, Bethany Kohhrana lawi a ni a. Tripura field-a Elem English School, Dulukma-ah Evangelist Teacher in a awm dawn a ni.
Pu HS.Zodingliana (B.Com):
Thaizawl khua Upa HS. Zatawna fapa a ni a. Nupui nei tawhin fa an la nei lo va, a nupui rai teuh chung nen Tripura field-a Elem English School-a thawk turin an kal dawn a ni.
Nl. Lallungawii Tong (GNM):
Rev.Dockson Tong fanu Lallungawii hi Vaseikai khua niin Betbunia, Longpuighat Kohhran member a ni a. Serkawn Nursing School zirchhuak hian Nghalimlui-ah Evangelist Nurse hna a thawk dawn a ni.
Nl. Mary Lalmuanpuii (GNM):
Aizawl Laipuitlanga Pu Joseph P.Liana fanu Mary hi Chaltlang Kohhran member a ni a. Nursing School Serkawn chhuak niin Tuichawngah Evangelist Nurse hna a thawk dawn a ni.
............................
Mission thu thar dang
Marpara tan Rs.10,000:
Ramhlun South Kohhran Mission Committee vek hian Marpara-a kan Kohhran School quarters sak mek tanpui nan Rs. 10,000/- an thawh.
Golasuri-ah ringthar 7ย :
Kikawn Kohran chuan Chakma Mission, Longpuighat Circle-a Golasuri khuaah Missionary Nl. Biakmawii (Bmi), Haulawng Lalveng an chawm a. A chenna qtrs. pawh an sak sak tawh a. Nl. Biakmawii hian ringthar 7 (pasarih) siam tawhin June 23, 2013 Pathianni khan Rev. Dockson-an Baptisma a chantir. Hemi hmanpui hian an zu kal a ni.
BBMS Matric result tha:
Tlai khawhnu-a chanchin kan hriat danin Assam Board hnuaia Matric result chhuakah Bethel Baptist Mission School, Dhubri result a tha hle a. Candidate 27 awmin, an vaiin an pass vek a. Distinction-ah - 1, First Division-ah - 20, II Division-ah - 6 an passed a ni. Distinction-a pass hian Assam pumpuia 10 na mark 7 chiahin a pha lo a ni.
Work Camp:
Bawngkawn Kohhran member 9 te chu Ziro-a biak in ding thar Kombo Bapt Church tan pulpit siamsa kengin Work Camp an thawk mek a. Tunah hian Ceiling siamin he hna hi kan zawh hma loh chuan kan haw lovang an ti. He Biak in hi July 8, 2013 khian hawn hman tum a ni.
........................................
