[caption id="attachment_1415" align="alignright" width="150"] BCM Mission Field Map[/caption]

July 7, 2013 (Pathianni) hi Mizoram Baptist Kohhran ni pawimawh, “Missionary Day” a ni a. He ni hi kum tin, July Pathianni hmasa berah hman thin a ni. Kuminah pawh he ni pual hian Mizoram Baptist Kohhran chuan Biak In tinah Programme kan hmang leh dawn a ni. Kumin Missionary Sunday thupui-ah chuan “Chanchin Tha mitin tan” tih hman a ni ang. He thupui hmang hian Pathianni zing inkhawm leh Zan lam Inkhawm-ah te thuchah ngaihthlak a ni ang. Sunday School lamah pawh Missionary Sunday Pualin thuzir inang tlang, Puitling leh Naupang lam Department-ah then a ni ang. Tin, Pathianni chawhnu-ah Tualchhung Kohhran a thei apiangin Mission lam pualin Inpawlhona hun buatsaih tura beisei an ni bawk.

Missionary Sunday lo intan dan:

Mizoram Baptist Kohhran hian kum 1939 atangin Tuikuk Takam zingah rawngbawlna a lo tan tawh a. Tirhkoh Kawha’n a thawk a. Tuikuk Takam puala thawhlawm chuan a hlawh tur a daih loh avangin 1944 Presbytery chuan Easter Sunday ni-a thawhlawm hi Tuikuk Takam pual atan a hauh ta a. Thawhlawm a lo pun lehzual theihna tur a nih beiseiin 1949 Presbytery chuan July thla Pathianni hmasa ber hi Easter Sunday aiah a lo ruat leh ta a ni.

Ramthim lama kan thawhna hi hma zauh zel tum a ni a. Chuvangin Tuikuk Takam Pathian ni ti lovin Ramthim Pathian ni tiin kan dah leh ta a. Sunday School-ah te he mi ni hian Missionary chanchin zir duhna a awm ta a. 1970-a Assembly chuan General Committee rawt angin Missionary Sunday tih ni tawh se a tih angin 1971 atangin Missionary Sunday tih hming a lo pu ta a, BCM Calendar-ah pawh Missionary Sunday tia dah a lo ni ta a ni. ...........................  

Mission report tlangpui:

BCM chuan tunah hian (July 2013) Mission Field 11 (sawm leh pakhat) kan nei mek a – chungte chu  :

Mizoram chhungah –

1. Chakma Mission India ram chhungah –

1. Tripura  Field
2. Assam Field
3. Bengal  Field
4. MP & MS Field
5. North India Mission, Delhi
6. Arunachal East  Field
7. Arunachal West  Field
8. Arunachal Far East.

Foreign-ah

1. Nepal  Field
2. Bhutan. Field

Heng bakah hian Mission rawngbawlna hna kan thawhna hmun, Mission Field puitlinga chhiar theih chiah loh Mission Station 12 (sawm leh pahnih) a la awm bawk a, chungte chu  :

Mizoramah –

1) Bru Baptist Church 2) Non-Mizo Evangelism.

India ram chhungah –

3) Andaman-Nicobar Islands.

Foreign-ah –

4) Miria (Bangladesh) 5) Yinchuan, China 6) Ghana (W. Africa) 7) Kenya (E. Africa) 8) Bandung (Indonesia) 9) Cambodia 10) Chiangmai (Thailand) 11) Banluang (Thailand) 12) Lopburi (Thailand).  

BCM Mission Workers  :

Tun dinhmun(July 1, 2013) a BCM Mission Workers zat chu hetiang hi a ni  - Mizo Missionary –288 Mizo Volunteers  - 42 Private & Local Church/Bial Support – 70 Native Workers –362 Missionary nupui/pasal – 102 Recognized Missionary – 20 Total                      = 884  

Ringthar dinhmun:

Kan hriat theih chinah kumin January – June 2013 a ringthar leh Kohhran thar kan neih dan a ni (Heta tarlan loh Mission Field/Station te hi an report kan dawng hman lo):-  

Sl	Field/Station	Ringthar	Kohhran thar	Felloship
1	Tripura Field	614	3	1
2	Assam (Guwahati)	64
3	Arunachal Far East	81
4	Bengal	86		1
5	Assam Field	81		3
6	Bhutan	2
7	Arunachal West	377		1
8	Arunachal East	198		1
9	Chakma Mission	130
	Total	1633	3	7