July 1, 2012 (Pathianni) hi Mizoram Baptist Kohhran ni pawimawh, “Missionary Day” a ni a. He ni hi kum tin, July Pathianni hmasa berah hman thin a ni. Kuminah pawh he ni pual hian Mizoram Baptist Kohhran chuan Biak In tinah Programme kan hmang leh dawn a ni. Kumin Missionary Sunday thupui-ah chuan “Chanchin Tha i hril ang u” (Mat 28:19;Mk 16:15;Tirh 1:8 2Tim 4:1-5) tih hman a ni anga, Zan lamah “Chanchin Tha i hril ang u, mitin ta tur Chanchin Tha lawm awm em em a ni si a,” tih a ni ang.

BCM Mission hnuaia thawktu zawng zawng (June 2012)

1. Missionary Substantive …….125 2. Missionary Temporary  ……...34 3. Missionary Contract….…….104 4. Missionary nupui/pasal….…...97 5. Missionary Volunteer………..43 6. Recognized missionary…….16 7. Native workers(BCM chawm)….313 8. Private Support…………….75 Total…….…….…….807   BCM-in Mission hna kan thawhna hmun, Misson Field bakah Field puitling ni chiah lo, hnam hrang zinga kan thawhna (Station) te lo tarlang ila:-  

Mizoram chhungah:

1. Bru  Mission, 2. Chakma Mission 3. Non-Mizo Evangelism  India ram chhung-ah: 1. Tripura Field 2. MP & MH (Kurku) Field 3. Arunachal  East   Field 4. Arunachal West Field 5. Arunachal Far East Field 6. Assam Bengal Field 7. North India Mission (Delhi) 8. Andaman & Nicober Islands.  

Foreign-ah: 

1. Thailand 2. Nepal 3. Indonesia. 4. China 5. Ghana 6. Kenya 7. Bhutan 8. Bangladesh  

Kum 2011 chhung  khan BCM Mission Field hrang hrangah ringthar 10,143 zet kan nei a, chung zinga mi 7,569 te chuan Baptisma an chang a, kohhran thar 64 zet din a ni bawk. Kum 2012 January - June chhunga ringthar report Headquarters in a la dawn kim loh avangin kan rawn tarlang thei ta lo a ni. Tin, kumin, 2012 chhung hian Missionary 16 zet tirhchhuah an ni tawh bawk.  Pathian hnenah lawmthu i sawi ang u

 

Mizoram Baptist Kohhran  hi a pian tirh atangin Pathianin Missionary Kohhranah Zosap Missionary-te leh Kohhran/Ringtu  hmasate hmangin a din a, kan vannei hle mai. Kohhran rorelna hmasa ber a an thurel pawimawh tak takte zinga pahnih chu, “Ringtu tinin Inkhawmpui leh hmain mi pakhat theuh tal ringtua siam, tih leh Tirhkoh rawih nana thawhlawm thawh/lakkhawm.” Tih a ni. Evangelism leh Mission hi hna pawimawh berah an neih nghal a ni.

   

            Kan Lal Isuan, “Jerusalem khuaah te, Judai leh Samari ram khaw tinah te,  kawlkil thleng pawhin ka thu hretute in ni ang,” (Torh 1:8) a tih ang tak khan Mizote leh Mizo hnahthlakte hnenah thahnemngai takin Chanchin Tha an hril a, Pathian ram pawh a zau chak hle. Kum 1939 atangin kan vela hnam dang Bru leh Chakmate hnenah Tirhkoh/Missionary tirh tan a ni a. Kum 1968 atangin Mizoram pawnah tirh tan a ni leh a, kum 1985 atangin India ram pawnah tirhchhuah a lo ni leh ta. Tunah chuan Mizoram chhung (kan Jerusalem) India ram hmun hrang hrang (kan Judai leh Samari ram) India ram pawn (foreign) ah te BCM chuan Missionary a lo tir chhuak ve ta.