Tunhnaia Missionary tirhchhuah thar te leh missionary thawklai thenkhat te an hnathawhna hmun tur (Posting) siam fel anih hnu-ah an thawhna hmun theuh an thleng ta. 

Sl.No	Hming	Tuna Thawhna	Thawhna thar tur
1	James Lalnunhlua Chinzah E.T-I	Lak thar	Lecturer, Nepal Theo. College, Nepal Field
2	R.K.Lalnunfeli, E.T-I	Lak thar	BMS, Birpara, W.B
3	Lalrinchhana, E.T-I	Lak thar	BMS, Birpara, W.B
4	H.Lalthazuala, E.T-II	Lak thar	JBS, PartkiJulyi, Assam         -
5	C.Lalchansanga, E.T-II	Lak thar	Hermon Com. H/S Nghalimlui
6	Lalhlutzuali Hnamte, E.T-II	Lak thar	Huto Eng.School, AP West
7	Vanlalbiaktluangi Sailo, E.T-I	Nghalimlui	BMS, Betbunya
8	C.Lalbiakfela, E.T-II	Lak thar	BMS, Betbunya
9	Joseph Lalbiaksiama, E.T-II	Lak thar	BMS, Marpara
10	R.Biakhmingthanga, E.T-II	Lak thar	BMS, Marpara
11	Joseph Laldinpuia, E.T-II	Lak thar	BMS, Tuichawng
12	Lalrindiki, E.T-III	Lak thar	Comp H/s, Putlungasih
13	Vanlaltluangi, E.T-III	Lak thar	BMS, Hmunthar
12	K.Lalbiaknunga, E.T-III	Lak thar	CBC Office, Chawngte
15	Ruthi Lalrinsiami, E.T-III	Lak thar	BMS, Ngiautlang
16	Lallianthuami Colney, E.T-III	Lak thar	Mauzam          P/S
17	Lalsiamthari, E.T-III	Lak thar	BMS, Sachan
18	HC.Vanlalkhumtira, E.T-III	Lak thar	BMS, Serlui
9	PC.Lalduhawma, M.T-III	Lak thar	Chawngte
20	Lalhmangaihzuali, E.T-I	HutoSchool	BBS, Chawngte
21	Lalrinzuali, E.T-III	Betbunya	BMS Tlabung (Chawnpui)
22	Laltlansanga Sailo, Evan-III	Lak thar	AP Far East Field
23	RC.Vanlalhriata, Evan-III	Lak thar	Assam Field
24

Ringthar 1825:

Kumin kumchanve chhungin (January – June 2014) hian Mission Field hrang hranga ringthar baptisma chang kan neih report kan dawn zat chu 1825 an ni a, hetihlai hian Field thenkhat atangin report la lut lo pawh a awm bawk.

Mission Consultation  : 

August 15 – 17, 2014 hian BCM Electric ‘N’, Hnahthial chuan Mission Consultation an nei dawn a, Resource Person atan Mission Promoter Upa H.S. Lalhmingthanga an hmang ang. Ani hi Lunglawn Kohhran atangin mi engemawzatin an tawiawm bakah, Rahsiveng Bial Zaipawl ten zaia rawngbawlin an tawiawm bawk ang.

Missionary damlote  :   

1) Tv. H. Lalchhandama, Muallianpui, ET (School Support), BMS, Betbonya, Longpuighat chu Malaria PF vangin August 9, 2014 (Inrinni) khan nikhaw hre lovin a tlu a, zan dar 11:00 ah Christian Hospital, Lawngtlai rawn thlenpui a ni.

2) Nl. Mrilyn C. Lalthanzuali, Vathuampui, ET, Mautlang P/S chu August 5, 2014 (Thawhlehni) khan Christian Hospital, Serkawnah a Rilphir zai (paihsak) a ni. A la dam tha lo.

3) Nl. F. Lalsawmliani, Evan. Nurse, ZBMS, Birpara, Chhul paihsak (Siliguri damdawi inah) chu Birpara-a a qtrs.-ah a awm a, a la dam tha lo.

4) Pi R. Vanlalzami, Chhul Cancer chu Cancer Hospital, Zemabawk, Aizawlah enkawl mek a ni. A la dam tha lo. Ani hi Pu Ngurthankhuma Sailo, Marpara Area Supervisor nupui a ni.

5) Nl. F. Zoramthangi, Evan. Nurse (rtd.), Lunglawna ama ina awm chu, Cancer natna avangin a taksa a vung nasa a, a ka chhung pawh a na hle. Engtia rei nge a dam ang tih sawi a har ta viau mai.

6) Pu Lallungmuana, Evangelist, Tuichawng Area Supervisor nupui Pi Zosiami (Ph. 8415842671) chu Guwahati-ah a Mit (eyes) zaisak a ni a, a la tha lo. Injection man to taka (tum khatah Rs 16,000/- chuang) enkawl zui a ngai a, sum an neih loh avangin an in enkawl thei tawh lo. A khawngaih thlak hle mai. Heng mite hi Pathian thlamuanna leh tihdamna i dilsak ang u.

Puanthui zirtir dawn  : Sept. 2014 chhung hian Lunglawn Unit TKP member Nl. Esther Lalrinpuii, Puanthuia eizawng mek chuan, kan Missionary Pu C. Pachhunga sawmna chhangin, Mebo, Arunachal East Field-ah Adi nu leh nulaho Puanthui zirtirin rawng a bawl dawn. Ani hi Non-Mizo zinga rawngbawl thin Prabhu Samachar Samiti, Lunglawn Team member, an Soloist pakhat a ni. Pathianin ‘Talent’ a pek hmanga a ram zau nana rawngbawl hi, thalaiten in tih hmuh thei se a va hlawk dawn em! Esther-i hi tawngtaisak ang u. Mistiri thiam tan rawngbawlna a inhawng zau  :

Puanthui thiam tan chauh ni lo, Mistiri thiamte tan pawh BCM Mission Field-ah hian rawngbawlna kawng zau tak a inhawng reng. Mahni thahnemngaihnaa thawk chhuak a, thla 2/3 te zuk thawk a, kal leh tul ti taka lo hawng an awm fo mai. Finna, kut them thiamna leh taksa chakna te hi Thlarau thilpek (Exo. 31:1 – 6) hlu tak, kan chheh vel hnam dangte dawn loh, Mizo ten Pathian hnen atanga kan dawn a ni. Lalpa ram tan a tangkai thei ang berin i hmang chhuak ang u.

Kohhran member pung  :

Tun hnai khan BCM Ngengpuitlang member chu 45 laiin an pung. Mission School daha rawng kan bawlna hmun a ni. Lawmthu sawi chungin, Pathian hnathawh a lan zual zel theih nan, Bialtu Pastor, kan Missionary te leh kohhrante tan, i tawngtai ang u.