Missionary 5 AICS-ah Training tan
Heng a hnuaia kan Missionary pangate hi AICS-ah kum khat chhung Diploma in Misiology Course training nei turin Mission Department chuan a tir a, June thla tir atang hian an tan nghal.
- Pu C. Pachhunga, Evangelist, Arunachal East
- Nl. Lalrinpuii, Headmistress, Mt.Olive School, Debitola, Assam-Bengal
- Nl. Lalengmawii, Evangelist Teacher, Nghalimlui
- Pu Lalrinngheta, Evangelist Teacher, Putluangasih
- Pu H. Lalhuliana, Evangelist Teacher, Damparengpui
Mission Convention
Aizawl East Pastor bial huapin Chanmari Biak inah June 9-10, 2012 hian Mission Convention neih a ni a; speaker atan Rev. Lalthanzauva an hmang.
Rahsiveng bial TKP Mission Programme
Rahsiveng Pastor bial TKP chuan June 9-10, 2012 hian Rahsiveng Biak inah Mission Consultation Cum Convention an nei dawn a. Resource person-ah Upa K.L.Biakchungnunga a ni ang.
BBC Kohhran thar 3
Bru Baptist Church (BBC) pawh an pung zel a; tun hnai khan Assam-a Cachar District huam chhung Mizoram ramri depah Kohhran thar 3 a ding a. Chungte chu Khakchangpara, North Gulkhuti leh West Gulkhuti khuaah te a ni a.
Sangau-ah Non Mizo Crusade
Vawiin Pathianni hmang hian Non-Mizo Evangelist team ‘B’ te chuan Sangau leh a dai vela Non-Mizote pualin Crusade an nei mek.
Lunglawn Bial Mission Khawruhlianah
Lunglawn pastor bial Mission Committee chu an bial zaipawlte nen vawiin Pathianni hmang hian Khawruhlian bialah an feh chhuak.
Pu Tlankima kal thlak ta
Nepala kan missionary, Pu H. Laltlankima chu May 31, 2012 khan Vellore-ah a kal thlak a ni ta nge nge a. He chanchin ziak lai hian amah leh a kal petu pawh an tha zel e. Thlak fel tawh mah se kum chanve vel chu Vellore-ah inenkawl zel a ngai ang.
