Pic: L-R : C.Lalremruati, Vanlalbiaktluangi Sailo, R. Lalthuammawii, R. Lalrindika
August 11, 2013 Pathianni hian Mizoram Baptist Kohhran chuan Missionary lak thar mi 4 an tir chhuak leh dawn a. Tirhchuah inkhawm hi Lunglei leh Lawngtlaiah neih a ni ang. Lunglei Electric veng Biak In-ah mi pathum tirhchhuah an ni ang a; Lawngtlai Salem Biak In-ah pakhat tirhchhuah a ni ang.
Lunglei-a tirhchhuah Inkhawm chu Rev. R. Zohmingliana, Pastoral Co-ordinator-in a kaihruai anga, Rev. Dr.K.Lalrinthanga, Associate General Secretary, i/c Mission-in a tirchhuak anga, Rev. B. Lalrinawma, Mission Coordinator-in Thuchah a sawi ang. Electric Pastor Bial Zaipawl te leh Electric Kohhran Zaipawl te an zai bawk ang.
Lunglei-a tirhchhuah turte :
1. Nl. Vanlalbiaktluangi Sailo – Edenthar, Lunglei
2. Nl. R.Lalthuammawii - Bunghmun W
3. Pu R.Lalrindika - Ebenezer, Zobawk
Lawngtlai, Salem Kohhran-a tirhchhuah Inkhawm chu Upa HS Lalhmingthanga-Mission Promoter a ni ang a, Rev. F. Ramdinmawia, Executive Secretary, Lawngtlai Area-in tirchhuakin Rev. H. Lianngaia, General Secretary-in thuchah a sawi ang. Lawngtlai North Pastor Bial Zaipawl leh Elizabeth Lalbiakhluni te an zai ang. Lawngtlai-Salem Biak In-a tirhchhuah tur chu Nl. C. Lalremruati,Salem, Lawngtlai a ni.
Missionary tirhchhuah turte chanchin tlangpui:
Nl. C. LALREMRUATI(Remremi) hi Lawngtlai AOC venga Pi T. Lalchhuanmawii fa 2 zinga a naupang zawk a ni a. Kanaan Kohhranah a lawi. Kuminah Nursing School Serkawn atangin GNM a zir chhuak a ni.
Nl. VANLALBIAKTLUANGI SAILO hi UPa Lalzara Sailo leh Thansangi Chawngthu fa 5 zinga a naupang ber dawttu a ni a.LungleiCollege vengah awmin Edenthar Kohhranah an lawi. Thiamna lamah BA(Hons) a zawh hnuin M.Div. that akin a zo leh a ni.
Nl. R.LALTHUAMMAWII hi Mawiteii emaw, TMI tiin emaw an ko thin. BunghmunWest Kohhranah lawiin Zawlhmingthanga Ralte leh Zochhawni te fa 5 zinga a naupang ber dawttu a ni. Tualchhungah KNP hruaitu leh TKP Evangelical Cell lamah te theih ang tawka inhmang mek, eizawnna lamah pawh Primary zirtirtu a ni a; thiamna lamah BA (Hons) BCA a ni.
PU R. LALRINDIKA: Pu R. Lalrindika hi fa 3 nei tawh Zobawk Ebenezer Kohhrana Upa R. Lianzuala fapa a ni a. Thiamna lamah BA(Hons) niin |KP OB a nih tawh bakah SS lamah Primary zirtirtu leh Bial Zaipawlah te a tel thin a, Tripura field-ah a nupui fanaute nen Lalpa hna thawk chhunzawmturin an kal dawn a ni.
