Mizoram Baptist Kohhran chuan tunkar Pathianni (July 10, 2016) hian tun naia Missionary atana a lak thar mi 13 te Tirhchhuah inkhawm hmun thumah a buatsaih dawn a. Ramhlun 'S' Biak inah Missionary-3, Pukpui Biak Inah- 5 leh Ramzotlang Biak inah-5 tirhchhuah an ni ang. 

Mizoram Baptist Kohhran Biak In, Ramhlun South-ah:

Rev .Lalremsiama Ralte, Bialtu Pastor, Republic Vengthlang Pastor Bial-in Inkhawm a kaihruai ang a,  President kal chhuak, Rev. C. Ngurhnema'n a tirchhuak ang a, Rev. H. Lianngaia, BCM President Elect-in Thuchah a sawi ang.  Upa HL Liantluanga, Mision Promoter-in Missionary thar te inhmelhriattirna a neih hnu-ah Missionbary tirhchhuah turte hian Testimony tawi an sawi ang a, Ramhlun South Kohhran Zaipawl, republic Vengthlang bial zaipawl leh Aizawl Area Baptist Choir  bakah Lalhlumawii te an zai ang. Bible chang thlan sa chhiarchhuak turin Upa Rosanga Colney, Ramhlun 'N' leh Upa R. Lalnunmawii, Zonuam te ruat an ni bawk.

Mizoram Baptist Kohhran Biak In, Pukpui-ah:

Rev .J. Chalhlira, Zotlang Bialtu Pastor-in Inkhawm a kaihruaiin,   Rev. C. Lalbiakzama, Executive Editor-in a tirchhuak ang a, Rev. Dr.C.Vanlaldika, AGS i/c Mission-in Thuchah a sawi ang.  Upa K. Lalremsanga'n Missionary thar te inhmelhriattirna a neih hnu-ah Missionary tirhchhuah turte hnen atangin Testimony ngaihthlak a ni ang. Zotlang Pastor bial zaipawl, Electrict Bial zaipawl leh Zotlang Kohhran Zaipawl te an zai ang a, Upa C. Lalramhluana leh Upa Lalhmangaiha Sailo ten Bible an chhiar ang.

Mizoram Baptist Kohhran Biak In, Ramzotlang-ah:

Rev .CL. Malsawma, Bialtu Pastor, Serkawn Pastor Bial-in Inkhawm a kaihruai ang a, Rev. V. Vanlalchhunga, Coordinator, Pastoral Ministry-in a tirchhuak ang a, Rev. B. Lalrinawma,Mission Coordinator--in Thuchah a sawi ang.  BCM Mission Department atangin Pu, Lalthankunga Sailo-in Missionary thar te inhmelhriattirna a neih hnu-ah tirhchhuah turte hian Testimony tawi an sawi ang a, Ramzotlang Kohhran Zaipawl, Gilgal Kohhran Zaipawl(Theiriat) leh Serkawn Pastor Bial Zaipawl te an zai ang. Bible chang thlan sa chhiarchhuak turin Upa Taithanga, Mission Board Member  leh Upa R. Lalhriatpuia, Bial Mission Committee Secretary te ruat an ni bawk.