Mizoram Thalai Kristian Pawl(MTKP) leh Interserve, India (Mission) buatsaihin Vawiin, Spetember 27, 2012 hian Sap Upa leh Pu Buanga Hall, Serkawn-ah Mission Seminar neih a ni a. Resource Person atan Interserve lam atangin Rev David Ralte, Associate Director, Church Relations leh John Amalraj, Executive Director, Interserve te an ni. He Seminar-ah hian Lunglei khawpui chhunga Pastor Bial tin atangin Bial aiawh leh Unit aiawh 90 vel an tel.
Seminar hi hun hnih-ah thenin Chawhma lamah Rev. Samuel Lalremsanga, MTKP Organiser-in a kaihruai a, Rev. H. Lianngaia, General Secretary, BCM-in Seminar a hawngin Rev. R. Lalbiakliana, Director FOD-in Devotion a kai hruai a ni. Paper Present, Presentation leh Discussion hun hman a ni a, Nl. Lalneihzeli Sailo, Serkawn-in Pathian fakna hla a sa bawk.
Chawhnu lamah Pu F. Lalromawia, Treasurer, MTKP-in a kaihruai a, R. Lalhmangaiha, Ramthar -in Pathian fakna hla a sa-in. Presentation leh Discussion neih zui leh a ni a, tlai dar 3:00 khan Seminar hi khar a ni. Seminar-a kal ten hlawkthlak an tiin Resource personte inbuatsaihna leh presentation a tha an ti hle.
