Mizoram Baptist Kohhran-in Chanchin Tha hril-a Ramthim a sut atan atanga kum 75-na (Mission Platinum Jubilee) lawmna, Lunglei-a neih tur chu zanin atangin tan a ni dawn ta.
Zanin Welcome Meeting programme hman dan tur tlangpui hetiang hi a ni ang: BCM Mission Platinum Jubilee Main Celebration hi BCM Mual, Serkawn-ah neih a ni ang.Zan dar 6:15 atangin Pandal-ah Pathian fakin zaihona neih a ni ang a. 6:45-ah Programme tan a ni ang. Inkhawm hi Rev. Dr.K.Lalrinthanga, AGS - MIssion-in a kaihruai ang a. Mission Platinum Jubilee karleh Celebration hawnna (Inauguration) Rev, Fausta Vasconcelos - Director, Mission, Evangelism and Theological reflection-Baptist World Alliance (BWA) in a nei ang a, 75 Balloon release, Fireworks leh 75 Choir (BCM Serkawn) -in a zui nghal ang. BCM General Secretary, Rev. H. Lianngaia'n mikhual te leh Missionaryte lawmna thu a sawi ang a, Ramchhung leh Rampawn atanga Missionary lo kal zawng zawng te bakah khual pawimawhte thilpek hlan an ni ang.
He Inkhawm-ah hian Cultural Item- Cheraw & Chawnglaizawn-Rahsiveng Branch YMA ten an entir bakah Mission Field Native Group - Tripura Field, Arunachal Pradesh leh BBC leh CBC atangin Special Item an rawn nei ang. Solo - Bethsy Lalrinsangi, C. Lalruatkima te bakah Zaipawl - BCM Choir, Lunglawn Bial Zaipawl leh Moria Kohhran Zaipawl te an zai ang.
Mission Platinum puala buatsaih - Missionary Album leh Mission Compendium Release a ni ang a, Mission Compendium hi Rev. H. Sangchema, BCM President-in a reliease ang ang, Missionary Album hi Rev. C. Ngurhnema, BCM President Elect-in a release thung dawn a ni. Rev. F. Sangvela, outgoing President-in thilpek hlanna tawngtai neiin Rev. Fausta Vasconcelos (BWA)-in thuchah a sawi ang a. Rev. Lalbiaksanga Chinzah-AGS, Service-in tawngtai leh malsawmna-in inkhawm a khar ang.
Chanchin ziak lai hian Missionary te an lo thleng kim thawkhat tawh a, Lunglei veng hrang hrang-ah te an thlen darh rih avangin engzat chiah nge lo kal tih hriat theih a ni rih lo va. Arunachal atangin Native Group pahnih – Adi leh Nyishi te, Home Mission atangin Bru Baptist Church(BBC) leh Chakma Baptist Church (CBC) te, Tripura atangin Debarman leh Molsom te an lo thleng tawh bawk.
Hetih mek lai hian Damparengpui-a kan Missionary Pu Lalruatthanga te nupa, he hun hmang tura lo kalte chu tukin khan Zobawk leh Hrangchalkawn inkar Lungpuizawl bulah an bike-a an rawn inphur chu chesualin motor dang nen an in su palh a. tunah hian Lunglei Civil Hospital-ah enkawl mek niin Pu C. Lalruatthanga hi rei fu Un-concious-in a awm a, chanchin kan ziak lai hian a harh tawhin biak theih a ni tawh tih thu kan dawng bawk a, an dinhmun chiang tak kan hre lo na-in an nunna atana ngaihtuahawm lutuk nilvin kan hria. Tawngtaipui erawh an mamawh hle a ni.
Mission Platinum Jubilee chhung hian zan tin vantlang inkhawm – BCM Mual, Pandal-ah neih tura buatsaih a ni a, khaw awm danin a zir loh chuan Serkawn Biak In lamah neih a ni ang. Chhun lamah Biak In-ah programme hmangin Missionary te rawngbawl dan leh Sharing te ngaihthlak thin a ni ang a, tin Paper Present leh Discussion hunt e pawh a awm thin dawn a ni.
Read More Story with Detailed Programme
...............................
