BCM Serkawn-75 Choir[/caption]
Mizoram Baptist Kohhran, Mission Platinum Jubilee chu nizan March 20, 2014 (Ningani) zan khan BCM Ground, Serkawn-ah ropui takin hawn a ni. Hawnna Inkhawm leh Welcome Meeting hi Upa KL Biakchungnunga'n hneh takin a kaihruai a. Rev. Dr.K.Lalrinthanga'n Devotion hun hmangin BCM-in Mission Platinum Jubilee a lawm chhan chu kum 75 kalta atanga BCM tana mellung pawimawh em em - Ramthim rawngbawlna-a a taka kan in hmanni atanga vawiin thlenga Pathianin min hruaina avanga lawmthusawina atana buatsaih a ni a. Kum 2012 BCM Assembly in lawm tura a lo rel angin inbuatsaih a ni a ti.
[caption id="attachment_4962" align="aligncenter" width="604"]
Bru Baptist Church Choir[/caption]
He Mission Platinum thupui atan 'Lalpa chuan thil roupui tak te min tihsaka, kan lawm hle a ni' (Sam 126:3) thu chhiarin Pathian hnenah lawmthu sawi tawngtaina a neih zawhah Jubilee Celebration hawnna (Inauguration) Rev, Fausta Vasconcelos – Director, Mission, Evangelism and Theological reflection-Baptist World Alliance (BWA) in a neiin Balloon Colour hrang hrang 75 a chhuah a, Fireworks(halmawi) ennawm tak hal a ni a. Halmawi ri a reh rualin 75 Choir (BCM Serkawn) -in ' Khawiah pawh Ni chhuahna apianga' tih leh Halleluiah Chorus thiam takin a sak hnu-ah Cultural Item- Cheraw & Chawnglaizawn-Rahsiveng Branch YMA ten an entir nghal a ni. BCM General Secretary, Rev. H. Lianngaia chuan mikhual te leh Missionaryte lawmna thu a sawi zawhah Mission Field Native Group - Tripura Field, Arunachal Pradesh leh BBC leh CBC atangin Special Item an rawn nei a. Solo – Bethsy Lalrinsangi, C. Lalruatkima te bakah Zaipawl – BCM Choir, Lunglawn Bial Zaipawl leh Moria Kohhran Zaipawl ten zaia rawngbawlna an nei a. Missionary te leh khual pawimawhte thilpek hlanna neih a ni bawk.
Mission Platinum puala buatsaih – Missionary Album leh Mission Compendium Release a ni a. Mission Compendium hi Rev. H. Sangchema, BCM President-in a reliease-in Missionary Album chu Rev. C. Ngurhnema, BCM President Elect-in a release thung. Rev. F. Sangvela, outgoing President-in thilpek hlanna tawngtai neiin Rev. Fausta Vasconcelos (BWA)-in thuchah ropui tak a sawi a. Rev. Lalbiaksanga Chinzah-AGS, Service-in tawngtai leh malsawmna-in inkhawm a khar.
Jubilee hawnna inkhawm-hi mipuiin an hlut hle a, Pandal-a leng lo mipui an kal avangin bang chhak lam thiah then a ni. Chanvo neitu hrang hrang ten an chanvo an ti thei vek a, thataka inbuatsaihna nen Pathian ropui nan an hlan a ni. Bru Baptist Choir-in hla an rem chhung zawngin Pathian leh BCM chunga lawmthusawina banner 'Thank you BCM for the Gospel' (Chanchin Tha min pek avangin kan lawme) tih thu ziak an rawn ken chuan rilru a khawih hle.
Tukin zing dar 9:30 khan Mission Platinum hriatrengna thu ziak (Monument) BMS Missionary Monument -a tar chu Rev. Jeff Taylor, BMS Former President-in a hawng a, hawnna inkhawm tawi hi Rev. H. Lianngaia, General Secretary-in kaihruaiin Rev. Jeff Taylor-hian a hawn zawhah BCM henah lawmthusawina leh thuchah tawi a sawi a, Pathian henah lawmthusawi tawngtai in he hun hi tihtawp a ni. Chhun lamah Missionary te pualin Serkawn Biak Inah Seminar nilengin neih zui nghal a ni a, Missionary 350 vel an kalkhawm a ni.
Zanin-ah BCM Mual (Pandal)-ah Vantlang inkhawm a awm leh ang a, he hun hi Pathian fakna leh Chawimawina hun (Praise & Worship) hun atan hman a ni ang a, thupui-ah 'Lalpa chu fak rawh u' tih a ni ang. Rev. C. lalrochama, Arunachal West Field Director-in inkhawm a kaihruai ang a, Mission Field hrang hrang atangin Special Item en tur a awm leh ang. Zaithiam - CR Laldingliani leh Pu C. Lalzarmawia te bakah Zaipawl - Chanmari Pastor Bial Zaipawl, El;ectric Pastor Bioal zaipawl leh Rahsiveng Bial Zaipawl te an zai ang a. rev. V. Laldingliana, Executive Secretary, Aizawl Area leh Rev. R. Lalthanmawia, Field Director, North India Mission(Delhi) ten sharing an neih bakah khual zahawm Rev. Roger Drew, Ministries Director, Global Inteaction, Australia(GIA) in thuchah a sawi ang.
