Kumin March thlaa kan lawm Mission Platinum Jubilee hriat rengna atana Guest House sak zawh tak ‘Mission Platinum Guest House’ chu October 10, 2014 (Zirtawpni) khan Associate General Secretary i/c Mission, Rev.Dr. K. Lalrinthanga’n Pathian hnenah hlanin a hawng.

Guest House Hawnna inkhawm tawi hi Rev. H. Lianngaia, general Secretary-in kaihruaiin Pu Victor Lalrinawma, Property Manager-in a sak dan (Technical report) tawi a pe bawk. He Guest House-ah hian Room pali (6 beded dormitory-1, 3 beded room-1, 2 beded room-1, VIP/Single room-1 a awm) a vaiin khum 13 a awm. Room te hi changkang taka buatsaih a ni a, Dormitory tih loh Room dangah TV dahin Toilet (Europian) attached vek an ni a, common room-ah hian Cable TV leh Semi Sofa Set dah a ni bawk.

He Guest House hawn tak hi BMS Action Team member 5, United Kingdom(UK) atanga lo kal ten luah hmasa berin tunkar thawhtan zan (13.10.2014) khan an riak nghal a. Anni hi thla nga zet an cham dawn a ni.   Missionary Orientation

BCM-in kar hamsa-a Missionary pahnih a lak thar Tv. R. Laltanpuia, B.D, s/o Upa R. Lalvena, Shalom kohhran (Lunglawn Bial), Arunachal East-a thawk tur leh Nl. Lalrinzuali, B.A (Hindi), d/o Zoramthanga (L), BCM Ebenezer, Serchhip, Non-Mizo Evangelism-a thawk tur te chu BCM Headquarters Office-ah Orientation neihpui mek an ni a, Orientation hi October thla chhung hian neih zawh hman tum a ni a, November2, 2014 (Pathianni) khian Tirhchhuah an ni ang.

Mission Board meeting thu chhuak : October 9 – 10, 2014-a Mission Board thurel then khat :

1) Jubilee English School, Patkijuli, Assam BCM Mission School-a lak rawtna chu Mission Committee-ah thlen chhoh remtih a ni a, Mission Committee-in a remtih chuan Assembly thlenga ngaihtuah tura thlen chhoh tur a la ni ang.

2) St. James H/S, Tripura Class XII (Arts) thleng hawn (‘up-grade’) phalsak a ni a, Academic Session thar atangin bul tan tum a ni ang.

3) Sikkim Area, Bengal Field hi State hrang a nih avang leh Birpara atanga enkawl a harsat avangin Mission Field-ah siam rawtna pawh Mission Committee-a ngaihtuah tura thlen chhoh a ni ang a, Mission Committee-in rem a tih chuan Assembly thlenga la ngaihtuah zel a ni ang.

4) Ziro, Arunachal West-a Hija Biak in hmun leina tur Mission Headquarters hotu ten tualchhung kohhran then khat-ah tanpuina dilsak se tih a ni.

Missionary innei :

October16, 2014(Ningani) khan Marpara ‘S’ a kan Missionary Joseph Lalbiaksiama, ET lehR. Zoliansangi, ET, Jubilee English School, Patkijuli, Boro Area, Assam Field te chuSouth Vanlaiphai Biak inah Dan Puitlingin an innei. Nupa in hmangaih tak an nih a, hlim taka rawng an bawl dun theih nan duhsakna sang ber kan hlan e.

Missionary Furlough 1)Nl. Zohmingthangi Khiangte, ET, St. James H/S, Tripura : October 18 – 22, 2014 chhung hian Hnahthial ‘S’Bialah

2)Pu ZD Lallungmuana,Supervisor, Tuichawng Area :October 22, 2014thleng hian Tawipui Bialah

3)Upa Lalmuanpuia,ET, Damparengpui :October 29 – Nov. 5, 2014chhung hian Lawngtlai ‘E’ Bialah

4)Pu B. Laltlanzauva, ET Elem English School, Dulukma Tripura :October 15 – 22, 2014chhung hian Lengpu

5) Rev. Lalfakzuala Hrahsel te chhungkua: SE Asia-a kan thawktu Mazuala te chhungkua chuan, Australia-a Furlough programme an hman zawh hnuin, October 14, 2014 khan Shillong an lo thleng. October 25 – Nov. 9, 2014 chhung hian Zoram Pawn Mizo Baptist Kohhran (ZPMBK) Pastor Bialah Furlough programme an hmang zawm ang.

Work Camp :

Lunglawn kohhran chuan Kalajara Saljhar, Dhubri Area, Assam Field a Missionary Quarters Work Camp-a sa turin October 20, 2014 (Thawhtanni) hian mi 15 vel a tir dawn a, chawlhkar hnih vel an thang ang. He kohhranah (Adivasi) hian Tv. RC Vanlalhriata s/o Upa R. Liansanga, Lunglawn chu Evangelist-in a awm dawn a. Tunah hian Dhubri-ah Assamese tawng a zir mek a ni. Hlawhtling taka hna an thawh theih nan, i tawngtaipui ang u.

Mission Convention :

October 17 – 19, 2014 hian Zotlang (Lunglei) kohhran leh Pangzawl Khuanghlum Kohhran ten Mission Convention an nei dawn a. Zotlang Kohhran-ah hian Rev. B. Lalrinawma, Mission Coordinator Speaker a ni ang a Pangzawl Khuanghlum Kohhranah Upa H.S. Lalhmingthanga, Mission Promoter chu Speaker a ni ang.