[caption id="attachment_2659" align="aligncenter" width="300"] Hong luiah Ringthar 83 -in Baptisma an chang lai
Pic-Ma Thani - BCM Mission Field[/caption]

Arunachal west Field Ziro-a Apatani Thalai inkhawmpuiah Sept. 9, 2012 Pathianni tuk khan ringthar 83 laiin Baptisma an chang. Aug. 22, 2012 tuk khan Hong khaw Talo hnam puithiam Pu Talo Rebia chuan, ramhuai (thlahrang) a hlauh vangin Lal Isua ringin Baptisma a chang bawk anih kha. Kan Mission Field/Station zawng zawngah ringthar Baptisma chang, kohhran leh Fellowship thar kan neih belh zel theih nan thahnemngai takin i tawngtai ang u. 2011 khan ringthar 7569 Baptisma chang kan nei a; 2012 Jan. – Jul. chhung khan ringthar 1566 Baptisma kan la chantir. chang report kan dawng tawh a ni.

Mass Baptism neih tum  :

i) Tuichawng Circle chhung Kawrpuichhuah Silsuri V.C huam chhunga Chakma 130 vel zet chuan Lal Isua an ring a. Sept. 20, 2012 Ningani hian a huhova Baptisma chantir tum an ni.

ii) Assam Cachar District-a Bru khaw 17 a Bru Hindu sakhaw biate zingah BBC thawktute Rev. Lalengliana Meska, Rev. T. Andria, Upa Otikumar, Upa T. Sebamohon leh Pu Baijoram te chuan Chanchin Tha an hril mek a, Sept. 2012 chhung hi an thang dawn. Ringthar engemawzat an awm tawh a. Pathianin rem a tih chuan heng Bru ringtharte hi a huhova Baptisma chantir an ni ang.

Chakma Puithiam Kristiana inlet tihduhdah tuar  :

2011 Dec. thlaa Betbunya, Longpuighat Chakma sikula Longpuighat Circle Salvation Camp-a Lal Isua ring a, Baptisma chang Tv. Riton Chakma, Cl. X, Hindi B.A, Buddhist Puithiam hna kum 9 zet lo thawk tawh thin chu, Betbunya sikulah hian Native ET a chhawr mek a ni a. Sikul naupang pakhat dam loh thuah, chhan hote vangin, Riton-a hi naupang Nu leh midang Kristian loten kut an thlak a (an beng a, an hnek bawk), a rilru a na hle. Kristian a nih vang a ni ber. Missionary-ten in ngaihdamtirin boruak vawn daih an tum mek.

Ramchhung School Head-te training  :

Sept. 12 – 13, 2012 khan Mizoram chhunga BCM Mission School Head-te Computerised Accounts (Exel) vawn dan Hqrs. Office, Serkawnah zirtir an ni a. 2013-2014 Budget an rawn thehlut nghal bawk.

Chakma Thuthlung Thar pe  :

i) Bazar Bial Mission hruaitute chuan Aug. 18 – 19, 2012 khan Nghalimlui, Vaseikai leh Longpuighat Chakma Kristiante hnenah Chakma Thuthlung Thar bu 100 zet leiin an sem.

ii) Upa H. Suakchhinga, Lunglawn chuan Betbunya Chakma Kristiante Chakma Thuthlung Thar bu 40 a pe bawk. A ti ropui hle mai.  Aug. 5, 2012 Pathianni tuka BCM Serkawn Biak ina tlangzarh Chakma Thuthlung Thar hi bu khat Rs 50/- chauhva hralh a ni a. Chakma Kristiante pek chakna nei chuan pek theih reng a ni e. 

Mission Beihpui  :

 i) Sept. 19 – 23, 2012 hian BCM Hermon, Theiriat chuan Mission Convention neih a, Speaker atan Mission Promoter hman an tum.

ii) Sept. 21 – 23, 2012 hian Non-Mizo Inkhawmpui BCM Moria, Rahsivengah buatsaih a ni dawn a, Non-Mizo Evangelist-ten thuchah an sawi ang. Heng programme atan hian i tawngtai ang u.

Mission hotute zin dawn  :

i) Sept. 19 – 20, 2012 hian Guwahati Baptist House-a Regional Committee meeting neihpui turin A.G.S i/c Mission Rev. Dr. K. Lalrinthanga a kal dawn.

ii) Sept. 20 – 23, 2012 hian I. M. A buatsaih National Church Leaders Conference. Hyderabad-a tel turin Mission Coordinator Rev. R. Lalrintluanga a kal dawn.