1.Baptisma Chang:

1)Tripuri BaptistChristian Fellowship Chandmary Non-Mizo hmalakna chuan rah tha tak chhuahin Dt 10.may.2015(Sunday) hian mi 5-in Baptisma an chang dawn.

2) MP & MS field pum huap May 8-10, 2015 chhunga neih turah pawh mi thahnem tawk tak ten Baptisma Sunday lo awm tur hian an chang dawn bawk. Field Director hnen atanga thu kan dawn danin RSS lam ten an chang rengin Baptisma Programme pawh tih buai an ni mai ang tih hlauhawm tak niin thu kan dawng. Tawngtaipui an ngai hle.

3).Dt 3.5.2015 Sunday khan  Field Director Thut hmun Pasighatah mi panga-in Baptisma an chang a, hemi ni vek hian Pasighat atanga 23km a hla Meboah mi pakhatin a chang bawk.

2.Missionary Furlough

 Heng Missionary te hian Furlough programme an hmang mek a. An tlawh Kohhrante tan leh an mahni tan malsawmna anih theih nan, i tawngtaisak zel ang u  a) Pu Lallawmawma Thangluah Area Supervisor Boro Area. A ni hian Dt 6-13,May. 2015 Zemabawk Pastor Bial, Aizawlah. b) Pi Lalbiakengi, Headmistress, Elem,English School,Dulukma pawh Rahsiveng Pastor Bialah hun a hmang mek bawk.

3.Mission Convention: 

Mission Promoter Upa HL.Liantluanga chuan May. 8-10,2015 hian BCM Hauruang Kohhranah, Hauruang Pastor Bial huap Mission Convention a neihpui dawn.  Missionary thawklai mi paliten Theiriat Pastor Bial Mission Convention DT.8-10.May 2015-an hmanpui dawn.Tin,Rev.B.Lalrinawma Mission Co-Ordinator pawh BCM Tlangnuam Aizawl,Mission vengthlang Pastor Bialah Convention a hmanpui dawn bawk

4.Sunna:

Rev.T.C.Zodinsanga Arunachal East Field a, Field Director thawk mek chu ni Dt.3.5.2015(Sunday) khan a Nu Pi Mannawni Kum 91 chuan hun rei tak khum beta natna a tawrh hnuin chatuan ram a lo pansan ta. Lusun chhungte kan tuarpui tak zet zet a ni.

5.Zin:

1) Rev.Dr.K.Lalrinthanga AGS i/c Mission chu Serving In Mission North East India meeting Dt 4 & 5.may,2015 a neih mek Shillongah a tel ve. An ni hi Mission a, kan partner niin anmahni kaltlang hian Tuipui ral ram hla takahte BCM-in Missionary kan intirh theih phah a ni. He meeting hian kan thawhhona kal leh zel turah awmze thuk tak a neih kan beisei.

2)Probhu Samachar Samiti Lunglawnte chu Adi Baptist Union Annual Conferece Yugrung a, Dt 8-10 May.2015 chhung neih turah ni 5.5.2015 khan Lunglei an chhuah san. Anni hi Adi Youth Department ten sawmin an lo dawngsawng dawn bawk a ni. Ngawrh taka inbuatsaihin Hindi hla leh Adi hlain he khawmpui hi an awi dawn a ni.

6. Camping nei zo:

Missionary Pu P.Lalrammawia Evan,Adi Baptist Church, Along a, awm mek areaah Dt  April 30^th   - May 3^rd , 2015 chhung khan Salvation Camping an nei. Pathian hnathawh ropui tak lo langin ni 3.5.2015 khan thalai thah mi pangain an sakhaw hlui kal sanin ringtu Baptisma an chang. Heng Kristian thar duhawm takte avang hian Pathian hnenah lawmthu I sawi ang u.

7. Baptist Mission HSLC Result 2015:

Baptist Mission School kan neihte atanga Kumin result kan neihte hetiang hi a ni:-

1) Nazareth Comp.School, Vathuampui - Appear 9. Pass 4. 2)

Hermon Comp. School, Nghalimlui - Appear 31, Pass 26.

3) Baptist Boarding School Chawngte - Appear 17. Pass 14.

4) Putlungasih High School Appear 0 3. Pass 3.

5) BCM.Comp.High School, Damparengpui - Appear 3. Pass 3.

8. Retreat nei dawn:

Arunachal West Field-a Missionary zawng zawng ten Retreat Programme Rev. F.Sangvela Speaker-a hmangin Dt 8^th – 10^th . May, 2015 chung Huto English Schoolah an nei dawn. Retreat prog. tan hma hian Field Committee an nei dawn bawk. Prog. tluang taka hman a nih theih nan Kohhranho ten theihtawp chhuahin I tawngtai pui ang u.

                                                                                   Upa HL. Liantluanga, BCM Mission Promoter