Kum 2012 chhungin Ring thar 6000 chuang awm

Mission Department in kum kalta 2012 chhunga BCM Mission rawngbawlna report tlangpui a tarlan danin Missiona field hrang hranga ring thar baptisma chang zat chu 6072 zet an tling a. Heti ang hi a ni: Field        -    Ringthar Chakma Mission -   564 Bru Mission     -   180 Non Mizo Mission -   119 Arunachal East     -   462 Arunachal Far East    - 224 Arunachal West   - 454 Assam Bengal   -     260 MP& MH    -    16 Tripura      -      2431 Bhutan       -     12 Nepal       -     126 Miria (Bangladesh) -  37 Delhi    -        1187

Tin, kum 2012 chhung vek hian BCM Mission rawngbawlna hmun hrang hrangah khian Kohhran 111 leh Fellowship 25 an ding thar a. Chungte chu- Chakma - 3, Bru - 4, Arunachal East - 2, Arunachal Far East - 3, Arunachal West - 4, Assam Beng- al - 7, Tripura -13, Nepal - 1 leh Delhi-ah 74 (Delhi-ah hian House Church anga kalpui a ni)

Workcamp:

Theiriat Hermon Kohhran member 20 vel chuan Putlungasih High School Headmistress Quarter sain January 14-19 chhung khan workcamp an nei a. Serchhip Bial Mission member 30 vel chuan AP Far East field, Namsai Biak in sa turin naktuk (21/1) hian Workcamp turin kal an tum.

Baptisma chang thar

Heng hmunah te hian Baptisma chang thar kuminah an awm leh tawh- Tuikawi-ah 12, Ukgodo-sury-ah 4, Sugurbasury-ah 5; an vaiin 21.   (Report: Numami)

Native Workers' Meet:

Dt.09-12.01.13 chhung khan Jharkhand Area Mission Native workers' Retreat, Bortuli kohhranah neih a ni a, thawktuten an kawppui theuhte an rawn hruai bawk, Programme hlimawm tak leh hlawk tak an hmang. Dt.12.01.13 10:00Am ah mittui nen an tin. Thawktute ai mahin an nupuite testimony in rilru a hneh a, an pasalte support nachang an lo hriat tawk loh thin avanga pawi an tih thute mittui nen an sawi han hmuh chuan lawm avangin mittui a tla lo thei lo. (Report: Rema-Jharkhand)