Kristian Biak in thiah sak  :

May 26, 2012 Inrinni tuk khan Arunachal East Field,  Gramsevak Training Centre (GTC), Pasighat-a Adi Kristian chhungkaw 23 lawina Biak in, thla hnih lai an luah tawh chu, Ring lo mite, Donyi-Polo(Adi)  hovin hnatlangin an thiah sak. Helai hmun hi sorkar ram a ni a, hmun awl zau tak a awm avangin mimal in engemawzat sak a ni a, chung in te chu tun hnai khan sorkarin tihluihnain a thiahsak a. Biak in sak dawn hian D.C rawn a ni a, sorkar ram hi pek theih anih loh avangin, a ni pawhin ‘lo hai der’ a in tiam a. Kristianna duh lo ho leh tun hnaia an in thiahsak te hian Biak in hi an pawt thiat ta a ni. Boruak tha lo vengin Adi Baptist Union (ABU) hruaitute leh Field Director, Rev. R. lalthangliana te an vir buai nasa a, sakhaw thila inepna boruak sa zual chu a dai thla thei tawh e. Tuartute tan Pathian thlamuanna i dilsak ang u.

Missionary Furlough :

i) June 2 – 6, 2012 chhung hian Nl. C. Lalnghingi chuan BCM Kolasib Bial a tlawh ang. ii) June 3, 2012 Pathianni hian Mualthuam ‘S’ kohhran, June 9 – 13, 2012 chhung hian BCM Serkawn Bial, Lunglei Pu J. Lalsawmliana chuan a tlawh ang. An programme hlawhtlin nan i tawngtaipui zel ang u.   Missionary pathum Rev. H. Vanlalmuana, Thailand, Pi F. Khawlmawii, Debitola leh Pu T. Nghaksanga, Tripura te chuan Furlough programme an hmang zo ta a. An thawhna lam an pan dawn hnai hlawm.  

Salvation Camp :

May 30, 2012 khan Matisora (Belpei) kohhranah Salvation camp neih tan a ni a, Tuichawng Circle Chakma Evan., Team an Speaker Rupendro Lal hovin rawih an ni. Campers 30 chuang an lut. He Camp hi BCM Bazar Pastor Bial Mission committee buatsaihsak a ni.

Missionary damlote:

i) Pu H. Laltlankima, CMC, Vellore-a Kal (Kidney) thlak tur

ii) Nl. KL Lalrinzuali, ET, Betbunya, Longpuighat, Zunkawng tha lo, Christian Hospital, Serkawna enkawl mek.

  iii) Nl. F. Zoramthangi, Hnar chhung Cancer

iv) Pi Hmingthanpuii, Lalmati, Dhubri Area, Assam, Typhoid-a dam lo nau pai mek

v) Tv. Marvin R. Lalawmpuia, Music Teacher, Tripura, Lung (Heart) Cancer, Mizoramah enkawl mek  a ni.

 

Missionary tur duh :

BCM Missionary Training nei tura koh chhuah te hmun ruak luah khat tur Short Term leh Volunteer Missionary (mi 4 vel lai) mamawh a ni a, mi pakhat chiah diltu an la awm. Thalai Graduate chin, Lal Isua thupek awiha Ramthima ET hna thawk a, zirlai leh mi dangte Lal Isua hnena hruai tura inpe thei an awm em le? Hetiang mi te chuan Mission hotute hnenah in-‘report’ vat nise a lawmawm em em ang.

 

Mission School Results:

2012 CBSE Class X results a chhuak a, hetiang hi kan MIssion School hrang hrang report kan hriat theih te an ni:- i)  ZBMS, Birpara : Candidates 25;  I Division-ah an pass vek. ii) MEC, Ziro :  Candidates 12;  Distinction - 2,   I Diviviosn - 9,  II Division-1. Sikul hmanga rawng kan bawlna Lalpan mal min sawm a, ni tin zirlai tam tak hnenah Chanchin Tha kan hril a; zirna lamah pawh results tha tak kan la nei zel a, lawmthu i sawi ang u.  

Mission Promoter Tawipui ‘S’-ah  -

Mision Promoter chu April leh May, 2012 chhung khan hmun hrang hrangah Mission Convention buatsaihin a kal kual char char a. June 15 – 17, 2012 hian BCM Tawipui ‘S’ kohhran Mission Convention Speaker a ni dawn. Taksa hriselna leh Thlarau Thianghlim luah khahna thar i dilpui ang u.