September 20, 2012 (Ningani):
Vawiin September 20, 2012 chhun dar 12 hian Tlabung thlang Kawrpuichhuah Silsuri V.C huam chhungah Chakma Kristiana inlet thar 140 vel lai Baptisma chantir an ni dawn a, an fate pawh Pathian hnenah hlan nghal an ni ang. Baptisma chantir tur hian BCM President Rev. Dr. Raltawnga, leh Rev. RC Lalthanzama, Chakma Mission Director leh midang parukin Baptisma hi an chantir dawn a ni. Baptisma Service an zawh hunah Chawhnu dar 01-ah Lalpa Zanriah buatsaih a ni ang.
Regional Committee meeting :
Nimin September 19 , 2012 atang khan Baptist House, Guwahati-ah Regional Committee meeting neih mek a ni a, 2013 – 2014 Budget siam bakah, BCM Mission rawngbawlna pawimawh te rel ho a ni. He meeting hi AGS i/c Mission Rev. Dr. K. Lalrinthangan a hmanpui a ni. Regional Committee hian vawiin thleng a awh ang.
Rev R. Lalrintlaunga Hyderabad-ah:
Mission Coordinator Rev. R. Lalrintluanga chu Hyderabad-a I.M.A buatsaih National Church Leaders’ conference hmangin a thang mek. Sept. 25, 2012 hian Lunglei lo thlen leh a tum.
Mission Convention :
i) Sept. 19 – 23, 2012 chhung hian BCM Hermon, Theiriat chuan Pu HS Lalhmingthanga Speaker-a hmangin Mission Convention an nei mek a. September. 20 leh 21, 2012 zan ah te Audio-Visual hmangin BCM Mission Field te thlir kualin reports pek a ni ang.
Sept. 28 – 30, 2012 hian BCM Bualte chuan Mission Convention neih a, Speaker atan Mission Promoter hman an tum bawk.
B.B.C Mission rawngbawlna :
Sawi tawh ang khan B.B.C-a thawktu mi 5 te chuan Cachar District chhunga Bru khaw 17 (sawmpasarih) fang kualin, Bru hnam Hindu sakhaw biate hnenah Chanchin Tha an hril a, ringthar engemawzat hming an la tawh a ni. An la kal zel. Lawmthu sawi chungin, kan tum anga Mass Baptism (a huhova tam deuh Baptisma chantir) kan neih theih nan Pathian hruaina i dilsak zel ang u.
Adi Thalai hruaitute lawm :
Hman lawka BCM kohhran kalphung zir tura Mizorama lo chhuak Arunachal East Field-a Adi Thalai hruaitu 5 (panga) te chuan, TKP Shalom Unit, Aizawl buatsaiha ‘training’ dangdai tak, tih dan inkawhhmuh a, a taka tih ve nghal zelna hun neihpui an ni chu hlawk an intiin an lawm hle.
Kristian lo khuaah Crusade :
Jharkhand-a kan Missionary te leh Native Evangelist 5 (panga) te chuan September 15, 2012 zan atang khan Kristian la awm lohna khua Pardeuli-ah Crusade an nei tan. He khuaa chhungkaw pakhat tlema inhawng deuh behchhanin hma an la a ni.
Chakma Fellowship thar :
Sept. 16, 2012 Pathianni khan Vathuampui thlen hma Chakma khua Chikhurlui-ah Chakma Fellowship thar a ding a, member 17 vel an awm. Biak in hmun pawh an nei sa a ni awm e. Longpuighat Circle hruaituten he Fellowship hi an va dinpui a ni.
