Jharkhand Field-ah a ram mi thawktu te pualin Retreat neih mek a ni.
February 9, 2022 (Nilaini) atang khan Jhankhand Field-a a rami thawktu (Native Workers) te pualin, Mission Headquarters, Dumkah Mader-ah Retreat neih a ni a, Rev. Israel Lalremtluanga, Director, Baptist Masihi Mission chu Speaker-ah hman a ni.
Native Workers' Retreat ah hian thawktute hi group 2-ah in țhenin, Group 1na pualin Nilaini leh Ningani ah hun hmangin Nilaini ah thawktu puala hun hmang in, a tuk, Ninganniah an nupuite nen hun hman pui leh an ni a, Zirtawp leh inrinni-ah Group 2-na puali hun hmangin Zirtawpni ah thawktu pual bik leh a tuk inrinni ah an nupui te puala hun hman pui leh an ni ang. He Retreat hian Pathianni zan thleng a awh ang.
#Pu LH Lalnghakmawia leh Pu ZD Laltanpuia ten Furlough Deputation an hmang mek.
Jharkhand Field a Missionary Pu LH Lalnghakmawia chuan February 5 – 13 chhung hian Furlough Deputation Programme hmangin Lawngtlai South Bial Kohhran hrang hrang a tlawh mek a. Thingfal Pastor Bial-ah February 14- 20 chungin hun a hman leh ang a, Febrruary 23 atanga March 6 chhungin South Vanlaiphai Pastor Bial, ah hun a hmang leh dawn a ni.
Arunachal East Field-a Missionary Pu ZD Laltanpuia pawhin Furlough Deputation Programme hmang mekin, February 12 atanga ni 21 chhung hian Champhai Pastor Bialah Kohhrante tlawhin hun a hmang ang a, February 27 atanga March 6 chhungin Zobawk ‘S’ Pastor Bial ah hun hmangin, March 12 atanga ni 21 chhunginAizawl ‘E’ Pastor Bialah hun a hmang leh dawn a ni.
...............
Chakma Baptist Church Pastor atana lak thar te lakluhna (Induction Service) leh Orientation neih a ni.
February 06, 2022 Pathianni khan CBC Biak in, Town Church, Kamalanagar -1,Chawngte 'C'-ah Chakma Baptist Church Pastor atana lak thar mi pahnih Lalhmangaiha leh T. Lalnunmawia te lakluh inkhawm (Induction Service) neih a ni a. Lakluhna inkhawm hi Rev. Dr.C.Lalruatthanga, Chakma Mission Director, Executive Secretary Chakma Baptist Church ni bawk in a nei a ni. Pastor atana lak tharte hi Chakma Baptist Church office, Chawngte 'C' ah February 7-9, 2022 chhung khan Orientation neihpui nghal an ni. Orientation ah hian an rawngbawlna atana hriat tur hrang hrang te kawhhmuh in Rev. Dr. C. Lalruatthanga, P. Lalhmunsangi, Organiser Chakma Baptist Mondoli Milie Dol leh Lalnunthara LDC ten zirtirna an pe a ni.
An awmna bial tur siam fel nghal a ni a, P/P Lalhmangaiha hi CBC Phairuangkai Bial-ah Pastor R. Vanlalnghaka kaihhruaina hnuaiah a thawk ang a, P/p T. Lalnunmawia hi CBC Tuichawng South Bial-ah Pastor N. Lalbuatsaiah kaihhruaina hnuaiah a awm thung ang.
